తల, కడుపు, ఛాతి, కీళ్ల నొప్పులను తేలిగ్గా తీసుకుంటే.. కథ కంచికే! కొంప ముంచేస్తాయ్..
సంపూర్ణ ఆరోగ్య వంతులు ఎవ్వరూ ఉండరు. అయితే ఆరోగ్య సమస్యలు అనేవి మన జీవనశైలిపై ఆధారపడి ఉంటుంది. సమతుల్య ఆహారం, క్రమం తప్పకుండా వ్యాయామం, ఆరోగ్యకరమైన జీవనశైలి అనేక రకాల వ్యాధులు, నొప్పులను నివారిస్తాయి. అయితే చాలా మందికి తలనొప్పి, కడుపు నొప్పులు, కీళ్ల నొప్పులు వంటి సాధారణ సమస్యలు వస్తుంటాయి..
ఆరోగ్య సమస్యలు తలెత్తడం సహజమే. అయితే ఆరోగ్య సమస్యలు అనేవి మన జీవనశైలిపై ఆధారపడి ఉంటుంది. సమతుల్య ఆహారం, క్రమం తప్పకుండా వ్యాయామం, ఆరోగ్యకరమైన జీవనశైలి అనేక రకాల వ్యాధులు, నొప్పులను నివారిస్తాయి. అయితే చాలా మందికి తలనొప్పి, కడుపు నొప్పులు, కీళ్ల నొప్పులు వంటి సాధారణ సమస్యలు వస్తుంటాయి. కొంతమందికి ఇవి పదే పదే వెంటాడుతుంటాయి. ఇలా మీకూ జరిగితే సాధారణమే అని కొట్టిపారేయకండి. ఈ నొప్పులు ఒక్కోసారి పెద్ద ఆరోగ్య సమస్యకు దారి తీస్తాయి. తరచుగా వచ్చే లేదా ఎక్కువ కాలం ఉండే ఏదైనా నొప్పిని విస్మరించకూడదు. ఎందుకంటే..
తలనొప్పి
తలనొప్పి సాధారణంగా ఒత్తిడి, నిద్రలేమి, అలసట వల్ల వస్తుంది. అయితే తరచుగా వచ్చే తీవ్రమైన తలనొప్పులు మైగ్రేన్లు, అధిక రక్తపోటు, నరాల సమస్యలకు కారణం అవుతాయి. మీకు తలనొప్పితో పాటు వికారం, తలతిరగడం, కాంతిని చూడటంలో ఇబ్బంది వంటి లక్షణాలు కనిపిస్తే ఆలస్యం చేయకుండా వెంటనే వైద్యుడిని సంప్రదించడం మంచిది.
ఛాతీ నొప్పి
చాలా మంది ఛాతీ నొప్పి గ్యాస్ట్రిటిస్ లేదా అజీర్ణం వల్ల వస్తుందని అనుకుంటారు. అయితే నిరంతర ఛాతీ నొప్పి గుండెపోటు, కరోనరీ ఆర్టరీ వ్యాధికి ముందస్తు సంకేతం కావచ్చు. నొప్పి ఎడమ చేయి, భుజం, దవడ వరకు ప్రసరిస్తుంటే.. అది గుండె సంబంధిత సమస్యలను అభివృద్ధి చేస్తున్నదానికి సంకేతం.
కడుపు, నడుము నొప్పి
మహిళల్లో.. పొత్తికడుపు, నడుము నొప్పి కిడ్నీలో రాళ్లు, అల్సర్లు, కాలేయ వ్యాధి, పాలిసిస్టిక్ ఓవరీ సిండ్రోమ్ వంటి సమస్యల వల్ల సంభవించవచ్చు. అలాగే పొత్తికడుపు ఉబ్బరం, ఆకలి లేకపోవడం, మూత్ర విసర్జన సమయంలో మంట వంటి సమస్యలను మీకూ ఉంటే వెంటనే వైద్యుడిని సంప్రదించడం మంచిది.
కీళ్ల, ఎముకల నొప్పి
కీళ్ళు, ఎముకలలో నిరంతరం నొప్పి ఉంటే అది ఆర్థరైటిస్, ఆస్టియోపోరోసిస్, విటమిన్ డి, కాల్షియం లోపానికి సంకేతం కావచ్చు. పీరియడ్స్ తర్వాత మహిళల్లో ఈ సమస్య సర్వసాధారణం. కానీ కీళ్ళు ఎల్లప్పుడూ గట్టిగా, ఒత్తిడిలో ఉంటే వెంటనే వైద్య సలహా తీసుకోవాలి.
కంటి వెనుక నొప్పి
కళ్ళలో నొప్పి లేదా మంట ఉంటే అది గ్లాకోమా లేదా కంటి బలహీనతకు సంకేతం కావచ్చు. ఎక్కువసేపు కూర్చోవడం వల్ల వెన్నునొప్పి వస్తుంది. కానీ విశ్రాంతి తీసుకున్న తర్వాత కూడా నొప్పి తగ్గకపోతే అది వెన్నెముక లేదా ఎముకలలో బలహీనతను సూచిస్తుంది.
మరిన్ని ఆరోగ్య కథనాల కోసం క్లిక్ చేయండి.