వినాయక పూజలో ఇవి మర్చిపోవద్దు.. గణపయ్యకు ఇష్టమైన నైవేద్యాలు ఇవే
వినాయక చవితి సందర్భంగా గణపయ్యకు ప్రత్యేక నైవేద్యాలు సమర్పించడం ఆనవాయితీ. మోదకంతో పాటు పూరణ్ పోళీ, లడ్డూలు, ఖీర్, శీరా, కొబ్బరి స్వీట్లు, అరటిపండ్లు, ఇతర పండ్లను నైవేద్యంగా పెట్టవచ్చు. ఉపవాసం చేసేవారు తమ ఆచారాలకు అనుగుణంగా సగ్గుబియ్యంతో చేసిన వంటకాలను సమర్పించవచ్చు. అలాగే గణపతి పూజలో దుర్వ గడ్డికి ప్రత్యేక ప్రాధాన్యత ఉండగా.. సంప్రదాయంగా 21 దుర్వలను బప్పాకు సమర్పిస్తారు..
Updated on: Sep 14, 2026 | 9:39 AM
Ganpati Bappa Bhog: Traditional Dishes You Can Offer Lord Ganesha
వినాయక చవితి వచ్చిందంటే చాలు.. దేశవ్యాప్తంగా సందడి మొదలవుతుంది. భక్తులు తమ ఇళ్లలో గణనాథుడిని ప్రతిష్ఠించి భక్తిశ్రద్ధలతో పూజలు నిర్వహిస్తారు. పూలు, పండ్లు, వివిధ రకాల నైవేద్యాలను సమర్పించి బప్పాను ప్రసన్నం చేసుకునేందుకు ప్రయత్నిస్తారు. ఈ ఏడాది వినాయక చవితి సెప్టెంబర్ 14, 2026, సోమవారం జరుపుకోనున్నారు. మోదకం గణపయ్యకు ఎంతో ఇష్టమైన నైవేద్యంగా భావిస్తారు. అయితే దీనితో పాటు మరికొన్ని సంప్రదాయ వంటకాలను కూడా నైవేద్యంగా సమర్పించవచ్చు. అవేంటో చూద్దాం..
పూరణ్ పోళీ
పూరణ్ పోళీ మహారాష్ట్రలో ప్రసిద్ధి చెందిన సంప్రదాయ స్వీట్. శనగపప్పు, బెల్లంతో తయారుచేసే ఈ తీపి వంటకం పండుగల సమయంలో ప్రత్యేకంగా చేస్తారు. వినాయక చవితి సందర్భంగా గణపయ్యకు భోగంగా సమర్పించవచ్చు.
Ganesh Chaturthi is not just a festival—it is an invitation to bring divinity, devotion, and auspiciousness into our homes. 🙏🐘
As we welcome Vighnaharta Shri Ganesh, let our pooja thali be filled with the sacred essentials of worship:
🌺 Fresh flowers and Durva grass 🪔 Diya and incense 🍚 Akshat (rice) and roli 🍌 Fruits and Panchamrit 🥥 Coconut and betel leaves 🍬 Modak, Ganpati Bappa’s favourite offering
Every offering is a symbol of faith. Every prayer is a step towards inner strength.
Ganpati Bappa Morya! 🚩🙏
— Sanskriti Talks (@Hindu_Tradition) September 9, 2026
లడ్డూలు
గణపతి ఉత్సవాల్లో లడ్డూలకు ప్రత్యేక స్థానం ఉంది. బేసన్ లడ్డూ, మోతీచూర్ లడ్డూ, కొబ్బరి లడ్డూ, బూందీ లడ్డూ వంటి రకాలను నైవేద్యంగా పెట్టవచ్చు. తక్కువ పదార్థాలతో సులభంగా తయారు చేయగలిగే ఈ స్వీట్లు ప్రసాదంగా కూడా పంచుకోవచ్చు.
ఖీర్
పాలు, బియ్యం, చక్కెర, యాలకులతో తయారుచేసే క్రీమీ ఖీర్ను కూడా గణపయ్యకు నైవేద్యంగా సమర్పించవచ్చు. రుచిని మరింత పెంచేందుకు బాదం, జీడిపప్పు, కిస్మిస్ వంటి డ్రైఫ్రూట్స్తో అలంకరించుకోవచ్చు.
శీరా
శీరాను సుజీ హల్వా అని కూడా పిలుస్తారు. రవ్వ, నెయ్యి, చక్కెర, యాలకులతో తయారుచేసే ఈ వంటకం త్వరగా తయారవుతుంది. వినాయక చవితి పూజలో ప్రసాదంగా సమర్పించేందుకు ఇది మంచి ఎంపిక.
Ganesh Chaturthi:
Inspired by Ujjain’s Mahakal, Mumbai’s Lalbaugcha Raja installs lord Shiva statue at pandal gate. https://t.co/BKO4aDsCmq
— News Arena India (@NewsArenaIndia) September 12, 2026
కొబ్బరితో చేసిన స్వీట్లు
హిందూ సంప్రదాయాల్లో కొబ్బరికాయకు ప్రత్యేక ప్రాధాన్యత ఉంది. కొబ్బరి లడ్డూలు, నారల్ భాత్ లేదా ఇతర కొబ్బరి ఆధారిత వంటకాలను గణపయ్యకు నైవేద్యంగా సమర్పించవచ్చు. కుటుంబ సంప్రదాయాలను బట్టి వీటిని తయారు చేసుకోవచ్చు.
అరటిపండ్లు.. ఇతర పండ్లు
వినాయకుడికి అరటిపండ్లను సంప్రదాయంగా సమర్పిస్తారు. అరటిపండ్లతో పాటు ఆపిల్, దానిమ్మ, సీజనల్ పండ్లను కూడా నైవేద్యంలో చేర్చవచ్చు. వండిన నైవేద్యాలతో పాటు తాజా పండ్లను సమర్పించడం ఆనవాయితీగా ఉంది.
Delhi: September 14 marks Ganesh Chaturthi, a festival dedicated to the worship of Lord Ganesha. Grand celebrations are also being organised across the national capital to mark the occasion. https://t.co/6Rozb5y61L
— IANS (@ians_india) September 12, 2026
సగ్గుబియ్యంతో వంటకాలు
వినాయక చవితి సందర్భంగా ఉపవాసం పాటించే భక్తులు తమ ఆచారాలకు అనుగుణంగా సగ్గుబియ్యంతో వంటకాలను తయారు చేసుకోవచ్చు. సగ్గుబియ్యం ఖిచ్డీ, సగ్గుబియ్యం వడ వంటి వంటకాలను నైవేద్యంగా సమర్పించవచ్చు.
గణపయ్యకు దుర్వ గడ్డి సమర్పణ
వినాయక పూజలో దుర్వ గడ్డికి ఎంతో ప్రాధాన్యత ఉంది. సంప్రదాయంగా గణపయ్యకు 21 దుర్వ గడ్డిపరకలు చిన్న కట్టలుగా సమర్పిస్తారు. ఇతర పూజా సామగ్రి, నైవేద్యాలతో పాటు దుర్వను కూడా బప్పాకు సమర్పించడం ఆనవాయితీ.
