Jaggery Tea: శరీరంలో కొత్త శక్తిని నింపే ఆయుర్వేద చాయ్.. రోజూ తాగితే ఎన్ని లాభాలో!

Jaggery Tea Recipe

మారుతున్న వాతావరణంలో చిన్న జ్వరం, జలుబు, దగ్గు సర్వసాధారణం. ఇలాంటప్పుడు వెంటనే మందులు వాడకుండా, ఇంట్లో అందుబాటులో ఉండే బెల్లం టీ వంటి ఔషధాలను తీసుకోవడం మంచిది. ఆరోగ్య నిపుణులు కూడా బెల్లం టీ తాగాలని సిఫార్సు చేస్తారు. ప్రస్తుతం నెట్టింట బెల్లం చాయ్ వైరల్ గా మారింది. దీని తయారీ విధానంలో ఈ పొరపాట్లు చేయకండి..

బెల్లం టీ తయారీ సులభ పద్ధతి:

బెల్లం టీ విరిగిపోకుండా తయారు చేయడానికి ఈ పద్ధతిని పాటించాలి.

కావలసినవి: నీరు (1 కప్పు)

పాలు (1 కప్పు)

టీ పొడి (2 టీస్పూన్లు)

అల్లం (1 అంగుళం ముక్క)

బెల్లం (4 టీస్పూన్లు)

పచ్చి ఏలకులు (2).

తయారీ విధానం:

పాలు వేడి చేయాలి: ముందు ఒక పాత్రలో పాలు పోసి, అవి వేడెక్కుతున్నప్పుడే గ్యాస్ ఆపివేయాలి. పాలు మరిగే వరకు ఉంచకుండా పక్కన ఉంచడం ముఖ్యం.

బెల్లం మిశ్రమం: మరొక పాత్రలో నీరు పోసి మీడియం మంటపై మరిగించండి. అందులో అల్లం, పచ్చి ఏలకులు, బెల్లం వేయండి.

మరిగించండి: బెల్లం పూర్తిగా కరిగిపోయే వరకు బాగా మరిగించాలి.

టీ పొడి: బెల్లం కరిగిన తరువాత, టీ పొడిని వేసి, తక్కువ మంటపై మరిగించండి.

కలపడం: చివరగా, ముందుగా వేడి చేసిన పాలను ఈ మిశ్రమంలో వేసి పక్కన పెట్టాలి.

చివరి మరుగు: ఇప్పుడు టీని మళ్లీ మీడియం మంటపై మరిగించి, గ్యాస్ ఆపివేయండి. ఇలా చేయడం వలన టీ విరిగిపోకుండా ఉంటుంది.

బెల్లం టీ వల్ల ప్రయోజనాలు:

జలుబు, దగ్గు ఉపశమనం: ఈ టీ వైరల్ జ్వరం, దగ్గు సమస్యలకు తక్షణ ఉపశమనం ఇస్తుంది.

పేగు ఆరోగ్యం: ఇది పేగుల ఆరోగ్యానికి కూడా చాలా ప్రయోజనకరం.

శక్తి, రోగనిరోధక శక్తి: నిరంతరం అలసిపోయేవారు, శక్తి తక్కువగా ఉన్నవారు ప్రతిరోజూ బెల్లం టీ తాగవచ్చు. ఇది రోగనిరోధక శక్తిని పెంచుతుంది.

రక్తహీనత నివారణ: రక్తహీనత (Anemia) సమస్యను అధిగమించడానికి ప్రయత్నించేవారు కూడా బెల్లం టీ తీసుకోవడం మంచిది.