ఆడవాళ్లు జాగ్రత్త.. ! నిమ్మరసం అతిగా తాగితే ఏమవుతుందో తెలుసా…?

నిమ్మరసం తాగడం వల్ల బరువు తగ్గడం, డీహైడ్రేషన్‌ను నివారించడం, అజీర్ణంలో సహాయపడటం వంటి ప్రయోజనాల గురించి మనందరికీ తెలిసిందే. బరువు తగ్గడానికి లెమన్ వాటర్ కూడా తీసుకుంటారు. అయితే, అతిగా తీసుకుంటే.. ఎలాంటి ఆహారమైన ఆరోగ్యంపై ప్రతికూల ప్రభావాన్ని చూపుతుందని అంటారు.. అలాగే, నిమ్మరసం ఎక్కువగా తాగడం కూడా ప్రమాదకరమే అంటున్నారు ఆరోగ్య నిపుణులు. నిమ్మరసం ఎక్కువగా తాగడం వల్ల కలిగే దుష్ప్రభావాలేంటో ఇక్కడ తెలుసుకుందాం..

1. ఇది దంత క్షయానికి కారణమవుతుంది:

నిమ్మకాయలు అధిక ఆమ్ల సిట్రస్ పండ్లు. ఒక వ్యక్తి నిమ్మరసాన్ని తరచుగా, అధికంగా తీసుకుంటే, నిమ్మకాయలోని ఆమ్ల స్వభావం కారణంగా దంతాల సున్నితత్వం, దంత క్షయం వంటివి ఎదుర్కొవాల్సి వస్తుంది. నిమ్మరసం దంతసమస్యలకు కూడా కారణమవుతుంది. నిమ్మలో సిట్రిక్ యాసిడి చాలా ఎక్కువ మొత్తంలో ఉంటుంది. ఇది పళ్ల ఎనామిల్‌ను కూడా దెబ్బతీస్తుంది. దీంతో పళ్ల రంగు మారడం, దంతక్షయం ఇంకా అలాగే క్యావిటీ వంటి సమస్యలు కూడా ఎక్కువగా వస్తాయి.

ఇవి కూడా చదవండి

ఉదయాన్నే క్యారెట్ జ్యూస్ తాగడం వల్ల కలిగే ప్రయోజనాలు తెలుసా..?

ఆవాల ఆకులతో ఎన్ని ఉపయోగాలో తెలుసా.. !

రాముడికి స్వాగతం పలికేందుకు ముస్తాబైన అయోధ్య ధామ్‌..

స్మశానవాటికలో కాలుతున్న మృతదేహాల మధ్య నిద్రపోతున్న వృద్ధుడు..

2. నిమ్మరసం మైగ్రేన్లను ప్రేరేపిస్తుంది:

సిట్రస్ పండ్లు తరచుగా మైగ్రేన్లు, తలనొప్పిని ప్రేరేపిస్తాయి. నిమ్మకాయలు తరచుగా తలనొప్పికి కారణమయ్యే సహజ మోనోఅమైన్ అయిన టైరమైన్‌ను ఉత్పత్తి చేయడం దీనికి కారణం కావచ్చు. మీరు తరచుగా తలనొప్పితో బాధపడుతుంటే, నిమ్మరసం వినియోగాన్ని తగ్గించాలని సిఫార్సు చేస్తున్నారు.

3. ఇది కడుపు సమస్యలు, గుండెల్లో మంటను తీవ్రతరం చేస్తుంది:

సిట్రస్ పండ్లను ఎక్కువగా తీసుకునే వ్యక్తులు తరచుగా జీర్ణశయాంతర సమస్యలు, గుండెల్లో మంట, యాసిడ్ రిఫ్లక్స్, వికారం మరియు వాంతులతో బాధపడుతుంటారు. కాబట్టి, మీకు ఏవైనా లక్షణాలు కనిపిస్తే, మీరు నిమ్మరసం తాగే ముందు వైద్యుడిని సంప్రదించాలి. గ్యాస్ట్రోఎసోఫాగియల్ రిఫ్లక్స్ వ్యాధి (GERD) ఉన్నవారు నిమ్మరసం ఎక్కువగా తీసుకోవడం మానుకోవాలి.

4. నిమ్మలో అసిడిక్ లెవెల్స్ చాలా ఎక్కువ:

నిమ్మలో అసిడిక్ లెవెల్స్ చాలా ఎక్కువ మొత్తంలో ఉంటాయి. దీనివల్ల గొంతు నొప్పి, హార్ట్ బర్న్, ఛాతి నొప్పి, వాంతులు ఇంకా వికారం వంటి సమస్యలు వచ్చే అవకాశం ఉంది. నిమ్మలేదా సిట్రిస్ పండ్లను మోతాదుకు మించి తీసుకోవడం వల్ల మన శరీరంలో అవసరమైన దానికంటే ఎక్కువ ఐరన్ నిల్వ అనేది ఉంటుంది. దీంతో ఐరన్ ఓవర్ లోడ్ లేదా Hemo chromatosis వంటి అనారోగ్య సమస్యలు వచ్చే అవకాశం ఉందని ఆరోగ్య నిపుణులు తేల్చి చెబుతున్నారు.

Note: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.

మరిన్ని లైఫ్ స్టైల్ న్యూస్ కోసం క్లిక్ చేయండి..