Chicken Masala Dosa: దోసెలు తిని బోర్ కొట్టిందా?.. ముక్క ముక్కలోనూ మసాలా తగిలే ఈ ‘చికెన్ దోసె’ ట్రై చేయండి

చికెన్ దోసె అనగానే ఏదో పెద్ద ప్రాసెస్ అనుకోకండి. ఇంట్లోనే ఉండే సాదా దోసె పిండితో, కుక్కర్ లో త్వరగా ఉడికించే చికెన్ గ్రేవీతో దీన్ని అద్భుతంగా సిద్ధం చేయవచ్చు. ఇది రుచికరంగా ఉండటమే కాకుండా, మాంసాహారం ద్వారా అందే ప్రోటీన్ల వల్ల ఆరోగ్యానికి కూడా మేలు చేస్తుంది. ఈ స్పెషల్ దోసె తయారీకి కావలసిన పదార్థాలు ఏంటి? చికెన్ ను ఎలా మ్యారినేట్ చేయాలి? దోసెపై మసాలాను ఎలా సెట్ చేయాలి? వంటి పూర్తి వివరాల తెలుసుకుందాం..

కావలసిన పదార్థాలు :

400 గ్రా చికెన్ (చిన్న ముక్కలు),

ఉల్లిపాయలు,

టొమాటో ప్యూరీ,

అల్లం-వెల్లుల్లి పేస్ట్,

కారం,

పసుపు,

గరం మసాలా,

మిరియాల పొడి,

జీలకర్ర.

దోసె కోసం: దోసె పిండి, నెయ్యి లేదా నూనె.

తయారీ విధానం

కుక్కర్ లో నూనె వేసి జీలకర్ర, కరివేపాకు, అల్లం-వెల్లుల్లి పేస్ట్ వేయించండి. ఉల్లిపాయ ముక్కలు వేసి గోల్డెన్ బ్రౌన్ కలర్ వచ్చేవరకు వేయించి, టొమాటో పురీ మరియు అన్ని మసాలాలు కలిపి నూనె వేరుపడే వరకు ఉడికించండి.

చిన్నగా కోసిన చికెన్ ముక్కలను వేసి, 3-4 కప్పుల నీళ్లు పోసి కుక్కర్ లో 4-5 విజిల్స్ వచ్చే వరకు మెత్తగా ఉడికించండి. గ్రేవీ చిక్కగా ఉంటేనే దోసెలోకి బాగుంటుంది.

పెనంపై దోసె పిండిని పలుచగా పరచండి. రెండు వైపులా కాల్చిన తర్వాత మధ్యలో సిద్ధం చేసిన చికెన్ మసాలా పెట్టి మడవండి.

ఫైనల్ టచ్: పైన కొద్దిగా నెయ్యి వేసి, తక్కువ మంట మీద 4-5 నిమిషాలు ఉంచితే క్రిస్పీ చికెన్ దోసె రెడీ!

ప్రయోజనాలు :

ప్రోటీన్ రిచ్: పెరిగే పిల్లలకు, జిమ్ కి వెళ్లే వారికి ఇది మంచి పోషకాహారం.

చిట్కా 1: చికెన్ చాలా చిన్న ముక్కలుగా ఉంటే దోసె లోపల సమానంగా పరుచుకుంటుంది.

చిట్కా 2: వేడి వేడి చికెన్ దోసెను కొబ్బరి చట్నీ లేదా సాంబార్ తో తింటే రుచి అద్భుతంగా ఉంటుంది.

చిన్న చిట్కా: మీకు ఇంకా స్పైసీగా కావాలంటే, దోసె వేసే ముందు పెనంపై కొద్దిగా కారప్పొడి చల్లి, దానిపై చికెన్ మసాలా పెట్టండి.