Sago Laddu: పండగలకు పర్ఫెక్ట్ స్వీట్.. 15 నిమిషాల్లో చేసే సాబుదానా లడ్డూ..

సాధారణ లడ్డూల తయారీ కష్టంగా భావించేవారికి, చక్కెర వినియోగం తగ్గించాలనుకునేవారికి సాబుదానా లడ్డు సరైన ప్రత్యామ్నాయం. జవరిసి లేక సాబుదాన పిండితో తయారుచేసే ఈ లడ్డు రుచితోపాటు ఆరోగ్యకరమైనది. మరి ఇంకెందుకు ఆలస్యం కేవలం 15 నిమిషాల్లో మీ పండగను మరింత స్పెషల్ గా మార్చేయండి. ఈ లడ్డూ రెసిపీని ఇక్కడ చూడండి..

కావాల్సిన పదార్థాలు:

సాబుదాన – ½ కప్పు

యాలకులు – 1

జీడిపప్పు – 10

కొబ్బరి తురుము – ½ కప్పు

నెయ్యి – 250 మిల్లీలీటర్లు

చక్కెర – ¼ కప్పు

తయారీ విధానం:

1. సాబుదాన వేయించడం:

ముందుగా లడ్డూల కోసం మందపాటి సాబుదాన ఎంచుకోవాలి. దానిని శుభ్రం చేసి, ఒక పాన్‌లో వేయించుకోవాలి. ఈ సాబుదాన రంగు బంగారు గోధుమ రంగులోకి మారే వరకు వేయించడం ముఖ్యం. ఇది పూర్తిగా వేగడానికి దాదాపు 15 నిమిషాలు పడుతుంది.

2. పొడి తయారీ:

వేయించిన సాబుదానను పూర్తిగా చల్లార్చాలి. తర్వాత మిక్సీ జార్‌లో వేసి మెత్తని పొడి చేసుకోవాలి. ఇదే జార్‌లో యాలకులు, చక్కెర వేసి మరొక్కసారి మెత్తగా రుబ్బుకోవాలి.

3. కొబ్బరి, జీడిపప్పు వేయించడం:

ఒక పాన్‌లో కొద్దిగా నెయ్యి వేయాలి. తురిమిన కొబ్బరిని వేసి, దానిలోని తేమ పోయే వరకు వేయించుకోవాలి. వేరే పాన్‌లో మరికొంత నెయ్యి వేసి, జీడిపప్పును బంగారు గోధుమ రంగు వచ్చేవరకు వేయించి పక్కన పెట్టుకోవాలి.

4. మిశ్రమం సిద్ధం:

సాబుదాన పొడిని, వేయించిన కొబ్బరి తురుమును ఒక గిన్నెలో కలపాలి. అందులో వేయించిన జీడిపప్పు ముక్కలు కూడా వేయాలి.

5. లడ్డు చుట్టడం:

ఈ పొడి మిశ్రమమంతా బాగా కలిసిన తర్వాత, కొద్దికొద్దిగా నెయ్యి వేయాలి. నెయ్యి తగినంత కలిసిన తర్వాత, చిన్న చిన్న ఉండలుగా చుట్టుకుంటే రుచికరమైన సాబుదాన లడ్డు సిద్ధం.

ఈ లడ్డు గాలి చొరబడని కంటైనర్‌లో నిల్వ ఉంచుకుంటే, ఒక వారం వరకు పాడవకుండా ఉంటుంది.