అరటిపండును ఖాళీ కడుపుతో తింటున్నారా..? వామ్మో.. డేంజర్‌లో పడుతున్నట్లే..

అరటిపండులో చక్కెర, కేలరీలు పుష్కలంగా ఉంటాయి. ఇవి ఇన్సులిన్ స్థాయిలను పెంచుతాయి. అరటిపండ్లు తినడం వల్ల రక్తంలో చక్కెర ఖచ్చితంగా పెరుగుతుందని పోషకాహార నిపుణులు చెబుతున్నారు.

ఎక్కువమంది ఇష్టంగా తినే పండ్లలో అరటి పండు ఒకటి. అరటి పండులో ఎన్నో పోషకాలున్నాయి.. రోజూ ఒక మీడియం అరటిపండు తీసుకోవడం వల్ల విటమిన్.. రోజువారీ విలువలో 33% వరకు కవర్ చేయవచ్చు. అరటిపండ్లలో పొటాషియం, మెగ్నీషియం, భాస్వరం, కాల్షియం, ఇతర విటమిన్లు వంటి కీలక పోషకాలున్నాయి.. అరటి జీర్ణక్రియ, గుండె ఆరోగ్యానికి మంచిది.. అరటి పండ్లలో ఎక్కువగా ఉండే పెక్టిన్ పేగు పనితీరును మెరుగుపరుస్తుంది. పేగులోని ఆహారం త్వరగా జీర్ణమయ్యేందుకు సహకరిస్తుంది. అందులో ఉండే కరిగిపోయే గుణమున్న ఫైబర్ శరీరంలో కొలెస్ట్రాల్‌ను అదుపులో ఉంచడంతోపాటు గుండె ఆరోగ్యాన్ని మెరుగుపరుస్తుంది..

అయితే.. అరటిపండును పరిమిత పరిమాణంలో తింటే అది ఆరోగ్యానికి చాలా మేలు చేస్తుంది.. అటువంటి పరిస్థితిలో చాలా మంది ఈ పండుతో రోజును ప్రారంభిస్తారు. ముఖ్యంగా పాలు – అరటిపండు కలిపి తినడం అల్పాహారంలో ఒక భాగం.. ఇది ప్రతి ఒక్కరి ఆరోగ్యానికి మద్దతు ఇస్తుంది. అయితే.. కొందరు ఉదయాన్నే ఖాళీ కడుపుతో అరటిపండును తినకూడదని వైద్య నిపుణులు చెబుతున్నారు.. ఖాళీ కడుపుతో ఎలాంటి వారు అరటి పండు తినకూడదో ఇప్పుడు తెలుసుకోండి..

ఇలాంటి వారు ఉదయాన్నే అరటిపండు తినకూడదు..

అరటిపండు చాలా సరసమైన ధరకు లభించే పోషకాహార పండు… ఇది అన్నికాలలో సులభంగా లభిస్తుంది. ఇది ఆకలిని తీర్చడమే కాకుండా శరీరానికి శక్తిని అందిస్తుంది. బరువు పెరగాలనుకునే వారు ఈ పండును ఎక్కువగా తీసుకుంటారు. అయితే, చాలా మంది ఆరోగ్య నిపుణులు ఉదయం ఖాళీ కడుపుతో తినడానికి నిరాకరిస్తారు.

పొట్ట సమస్యలతో బాధపడేవారు: ఉదయాన్నే ఖాళీ కడుపుతో అరటిపండు తినడం వల్ల ఎసిడిటీ లేదా గ్యాస్ వస్తే, దానికి దూరంగా ఉండటం మంచిది.. లేకుంటే కడుపు సమస్యలు పెరిగే అవకాశం ఉంది. వాస్తవానికి, ఇది కార్బోహైడ్రేట్లకు గొప్ప మూలం.. కాబట్టి కొన్నిసార్లు ఇది జీర్ణక్రియలో సమస్యలను కలిగిస్తుంది. అటువంటి పరిస్థితిలో, వాంతులు, కడుపు నొప్పి, అనేక ఇతర సమస్యలు సంభవించవచ్చు. మీరు దానిని తినవలసి వస్తే, ఇతర ఆహారాలతో కలిపి తినండి.

స్థూలకాయులు అరటిపండును తీసుకోవొద్దు: స్థూలకాయం ఉన్నవారు అరటిపండు తినడం వల్ల బరువు మరింత పెరుగుతుంది.. ముఖ్యంగా ఉదయం ఖాళీ కడుపుతో తింటే, శరీరానికి అధిక కార్బోహైడ్రేట్లు, కేలరీలు అందుతాయి.. ఇది బరువు పెరుగుటకు కారణమవుతుంది. బరువు పెరగడం వల్ల ఇబ్బంది పడే వారు ఉదయం, రోజంతా ఒకటి కంటే ఎక్కువ అరటిపండు తినకూడదు.

రక్తహీనత సమస్యలో: రక్తహీనత సమస్యతో బాధపడే వారు కూడా పరగడుపున అరటిపండును తినకూడదని వైద్య నిపుణులు చెబుతున్నారు.

డయాబెటిస్: డయాబెటిస్ ఉన్నవారు కూడా అరటి పండును తినకూడదు.. తింటే రక్తంలో చక్కెర స్థాయిలు పెరుగుతాయి..

అరటిపండు ఎప్పుడు తినాలి?

మీరు మధ్యాహ్నం అరటిపండు తినడం ఉత్తమం.. ఎందుకంటే ఈ సమయంలో మీకు నీరసంగా అనిపిస్తే, అప్పుడు అరటిపండు తింటే.. ఇది తక్షణ శక్తిని ఇస్తుంది.. మీ కడుపు కూడా ఎక్కువసేపు నిండుగా ఉంటుంది. సాయంత్రం లేదా రాత్రి చాలా ఆలస్యంగా తినడం మానుకోండి.

(నోట్‌: ఇందులోని అంశాలు కేవలం అవగాహన కోసం మాత్రమే. పలు వార్తా కథనాలు, నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే ఆరోగ్య నిపుణులను సంప్రదించండి.)

మరిన్ని హెల్త్ వార్తల కోసం ఇక్కడ క్లిక్ చేయండి