Fennel Seeds Benefits: ఖాళీ కడుపుతో సోంపు తింటే.. గంపెడు లాభాలు..
సోంపు గురించి ప్రత్యేకంగా పరిచయాలు అవసరం లేదు. దాదాపు అందరికీ దీని గురించి తెలిసే ఉంటుంది. ప్రతీ ఒక్కరి వంటగదిలో ఇది ఖచ్చితంగా ఉంటుంది. చాలా మందికి భోజనం తిన్న తర్వాత సోంపు తినడం అలవాటు. రెస్టారెంట్లకు వాటికి వెళ్లినా.. భోజనం తిన్నాక దీన్నే ఇస్తారు. సోంపులో అనేక పోషకాలు ఉన్నాయి. సోంపును కేవలం భోజనం తిన్న తర్వాతే తినాలి అనుకుంటే పొరపాటే. ఎప్పుడైనా తినొచ్చు. ఇది తినడం వల్ల ఆహారం త్వరగా జీర్ణం అవుతుంది. అలాగే సోంపును..
సోంపు గురించి ప్రత్యేకంగా పరిచయాలు అవసరం లేదు. దాదాపు అందరికీ దీని గురించి తెలిసే ఉంటుంది. ప్రతీ ఒక్కరి వంటగదిలో ఇది ఖచ్చితంగా ఉంటుంది. చాలా మందికి భోజనం తిన్న తర్వాత సోంపు తినడం అలవాటు. రెస్టారెంట్లకు వాటికి వెళ్లినా.. భోజనం తిన్నాక దీన్నే ఇస్తారు. సోంపులో అనేక పోషకాలు ఉన్నాయి. సోంపును కేవలం భోజనం తిన్న తర్వాతే తినాలి అనుకుంటే పొరపాటే. ఎప్పుడైనా తినొచ్చు. ఇది తినడం వల్ల ఆహారం త్వరగా జీర్ణం అవుతుంది. అలాగే సోంపును ఉదయం పరగడుపు తింటే మరిన్ని ప్రయోజనాలు ఉన్నాయట. సోంపు తింటే నోటి దుర్వాసన కూడా మాయం అవుతుంది. అందుకే దీన్ని మౌత్ ఫ్రెష్నర్ అని కూడా అంటారు. సోంపును ఖాళీ కడుపుతో తింటే ఎలాంటి బెనిఫిట్స్ ఉన్నాయో ఇప్పుడు చూద్దాం.
రోగ నిరోధక శక్తి పెరుగుతుంది:
సోంపును ఉదయం ఖాళీ కడుపుతో తింటే.. శరీరంలో రోగ నిరోధక శక్తి అనేది పెరుగుతుంది. దీంతో రోగ నిరోధక వ్యవస్థ బలపడి.. వ్యాధులతో పోరాడే శక్తి అలభిస్తుంది. ఇందులో విటమిన్ సి ఎక్కువగా ఉంటుంది. కాబట్టి ప్రతి రోజూ కొద్ది మొత్తంలో తీసుకుంటే ఆరోగ్యానికి చాలా మంచిది.
రక్త హీనత తగ్గిస్తుంది:
సోంపులో ఐరన్ శాతం అనేది మెండుగా ఉంటుంది. రక్త హీనత సమస్యతో బాధ పడేవారు పరగడుపున సోంపు తింటే చాలా మంచిది. సోంపు తీసుకోవడం వల్ల శరీరంలో ఐరన్ శాతం కూడా పెరుగుతుంది. కాబట్టి రక్త హీనత సమస్య ఏర్పడకుండా చేస్తుంది. దీంతో ఆరోగ్యానికి చాలా మంచిది. దీన్ని పిల్లలకు కూడా ఇవ్వొచ్చు.
ఎముకలకు మంచిది:
సోంపులో క్యాల్షియం కూడా అధికంగా లభిస్తుంది. కాబట్టి దీన్ని తీసుకోవడం వల్ల ఎముకలు కూడా బలంగా, దృఢంగా ఉంటాయి. భవిష్యత్తులో ఎముకలు బలహీనంగా అవడం, బోలు ఎముకల వ్యాధి వంటి సమస్యల నుంచి దూరం చేస్తుంది.
వెయిట్ లాస్ అవ్వొచ్చు:
సోంపుతో వెయిట్ లాస్ కూడా అవ్వొచ్చు. పొట్ట కొవ్వు తగ్గించుకోవాలంటే.. ప్రతి రోజూ రాత్రి ఒక గ్లాస్ నీటిలో సోంపు గింజల్ని నానబెట్టింది. మరుసటి రోజు ఉదయం నిద్ర లేవగానే.. ఈ నీటిని వడకట్టి.. తాగండి. దీని వల్ల శరీరంలో మెటబాలిజం రేటు మెరుగు పడుతుంది. అలాగే బరువు కూడా తగ్గుతారు.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ వార్తల కోసం క్లిక్ చేయండి..