చార్ధామ్ యాత్రకు వెళ్లాలనుకుంటున్నారా.. మీ హెల్త్ కండిషన్ను ఇంట్లోనే ఇలా చెక్ చేసుకోండి..
ఢిల్లీలోని లేడీ హార్డింజ్ మెడికల్ హాస్పిటల్ మాజీ డైరెక్టర్ డాక్టర్ సుభాష్ గిరి మాట్లాడుతూ.. పర్వతాలకు వెళ్లే ముందు చాలా విషయాలు గుర్తుంచుకోవాలి. వైద్య పరికరాల సహాయంతో మీరు ఇంట్లోనే చేసుకోగలిగే కొన్ని పరీక్షలు ఉన్నాయని వెల్లడించారు. అన్నింటిలో మొదటిది రక్తపోటును తనిఖీ చేసుకోవాలి. ఎవరికైనా BP 114.5 నుంచి 75.5 మధ్య ఉంటే.. అది సాధారణమైనది. అయితే పల్స్ రేటు దీని కంటే ఎక్కువ లేదా తక్కువగా ఉంటే వైద్యుడిని సంప్రదించాలి.
Updated on: Jun 14, 2024 | 8:43 PM
హిందువులు ఎంతగానో ఎదురుచూసే ఉత్తరాఖండ్ చార్ ధామ్ యాత్ర మే 10న గంగోత్రి, యమునోత్రి ధామ్ తలుపులు తెరవడంతో ప్రారంభమైంది. ఈ యాత్ర మొదలై నెలకు పైగా అయింది. ఇప్పటి వరకు లక్షలాది మంది భక్తులు యాత్రను చేసి కేదార్ నాధుడిని దర్శించుకున్నారు. అయితే ఈ చార్ధామ్ యాత్రలో కొంతమంది ఆరోగ్య సంబంధిత సమస్యలను కూడా ఎదుర్కొంటున్నారు. పర్వతాలలో ప్రజలు శ్వాస తీసుకోవడంలో ఇబ్బందులు, గుండె సంబంధిత సమస్యలను ఎదుర్కొంటున్నారు. వాస్తవానికి ఈ యాత్ర చేయడానికి వెళ్ళే భక్తులు ముందుగా మెడికల్ చెకప్ చేయించుకోవాల్సి ఉంటుంది. మెడికల్ సర్టిఫికేట్ పొందిన తర్వాత మాత్రమే చార్ ధామ్ యాత్రకు వెళతారు. అయితే కొన్ని సందర్భాల్లో.. పర్వతాలకు వెళ్ళిన తర్వాత ఆరోగ్యం అకస్మాత్తుగా క్షీణిస్తుంది. అటువంటి పరిస్థితిలో.. చార్ధామ్ యాత్రకి మీ ఆరోగ్యం సరిపోతుందో లేదో ముందుగా తెలుసుకోవాలి. మీరు కొన్ని మార్గాల్లో ఇంట్లోనే మీ ఫిట్నెస్ని పరీక్షించుకోవచ్చు.
ఢిల్లీలోని లేడీ హార్డింజ్ మెడికల్ హాస్పిటల్ మాజీ డైరెక్టర్ డాక్టర్ సుభాష్ గిరి మాట్లాడుతూ.. పర్వతాలకు వెళ్లే ముందు చాలా విషయాలు గుర్తుంచుకోవాలి. వైద్య పరికరాల సహాయంతో మీరు ఇంట్లోనే చేసుకోగలిగే కొన్ని పరీక్షలు ఉన్నాయని వెల్లడించారు. అన్నింటిలో మొదటిది రక్తపోటును తనిఖీ చేసుకోవాలి. ఎవరికైనా BP 114.5 నుంచి 75.5 మధ్య ఉంటే.. అది సాధారణమైనది. అయితే పల్స్ రేటు దీని కంటే ఎక్కువ లేదా తక్కువగా ఉంటే వైద్యుడిని సంప్రదించాలి. బీపీ ఎక్కువ లేదా తక్కువ ఉంటే పర్వతాల్లో ప్రయాణించకూడదు. ఇలాంటి వారు పర్వత ప్రాంతాల్లో పర్యటిస్తే గుండె సంబంధిత సమస్యలు వచ్చే ప్రమాదం ఉంది.
ఆక్సిజన్ లెవెల్ తనిఖీ
పల్స్ ఆక్సిమీటర్తో ఇంట్లో ఆక్సిజన్ స్థాయిని తనిఖీ చేయవచ్చు. ఆక్సిజన్ స్థాయి 90 కంటే తక్కువగా ఉంటే చార్ ధామ్ ప్రయాణం చేయకూడదు. ఆక్సిజన్ లెవెల్ తక్కువగా ఉంటె ఎత్తైన ప్రాంతాలకు వెళ్లడం వల్ల శరీరంలో ఆక్సిజన్ కొరత ఏర్పడుతుంది. దీని వల్ల ఊపిరితిత్తుల సంబంధిత వ్యాధులు రావచ్చు.
షుగర్ లెవెల్
అంతేకాదు షుగర్ లెవెల్ ను కూడా తనిఖీ చేసుకోవాలి. పర్వతాల వద్ద ప్రయాణించే సమయంలో షుగర్ లెవెల్ ను ఎప్పుడూ 150కి మించకూడదు. ఇంతకు మించి ఉంటే ప్రయాణం మానుకోండి.
కోవిడ్ చరిత్ర ఉన్నట్లయితే.. ప్రయాణాన్ని మానుకోండి
తీవ్రమైన కరోనా ఇన్ఫెక్షన్ బారిన పడితే వైద్యుడి సలహా మేరకు మాత్రమే ప్రయాణించండి. ఎందుకంటే కోవిడ్ నుంచి కోలుకున్న తర్వాత కూడా కొంతమందికి ఊపిరితిత్తుల ఇన్ఫెక్షన్ సమస్య ఉంది. ఊపిరితిత్తుల పని తీరు బలంగా ఉండడం లేదు. కొండ ప్రాంతాలలో ఆక్సిజన్ కొరత ఉన్నందున.. అటువంటి వ్యక్తులు ఇబ్బందులు ఎదుర్కొంటారు. ఊపిరితిత్తులలో ఇన్ఫెక్షన్ వచ్చే ప్రమాదం కూడా ఉంది.
ఏ విషయాలను గుర్తుంచుకోవాలంటే
పర్వతప్రాంతాల వద్దకు విహారయాత్రకు వెళుతున్నట్లయితే.. ఖచ్చితంగా మీతో ప్రథమ చికిత్స కోసం తగిన విధంగా మెడికల్ కిట్ ను సిద్ధం చేసుకోవాలి. ఒక చిన్న ఆక్సిజన్ సిలిండర్, వెచ్చదనం ఇచ్చే దుస్తులు, వాటర్ బాటిల్స్, అవసరమైన మందులను మీతో ఉంచుకోండి. అవసరమైనప్పుడు వీటిని ఉపయోగించి చార్ ధామ్ యాత్రను సంపూర్ణంగా ఆనందంగా పూర్తి చేయండి.
మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..
