Kidney Health: కిడ్నీ రోగులకు ఈ జ్యూస్ విషంతో సమానం.. పొరపాటున కూడా తాగకండి..! ఎందుకంటే?
ఫ్రూట్, ఇతర జ్యూస్లు ఆరోగ్యకరమైనవి అయినప్పటికీ అవి.. అందరికీ ఒకే రకమైన ప్రయోజనాలను అందించలేవు. ఈ జ్యూస్లు తీసుకోవడం కొన్ని వ్యాధుల వారికి అస్సలు మంచింది కాదు. కాబట్టి ఏదైనా జ్యూస్లు తీసుకునే ముందు అవి మీకు సరైనవో కాదో తెలుసుకోవడం ముఖ్యం. బీట్రూట్ జ్యూస్ మెరిసే చర్మం నుండి గుండె ఆరోగ్యం వరకు ప్రతిదానికీ ప్రయోజనకరంగా ఉంటుందని చెబుతారు, కానీ మూత్రపిండాల వ్యాధితో బాధపడే వారికి ఇది అస్సలు మంచిది కాదని వైద్య నిపుణులు చెబుతున్నారు.
ఈ రోజుల్లో, సోషల్ మీడియా ట్రెండ్ పెరిగిపోయింది. రీల్స్ ఏది చూపిస్తే.. దాన్ని జనాలు గుడ్డిగా ఫాలో అవుతున్నారు. వాటిలో చాలా వరకు జ్యూస్లే ఉంటున్నాయి. ఆరోగ్యకరమైన పానీయాలు తప్పనిసరిగా చెడ్డవి కానప్పటికీ, ప్రతి పానీయం అందరికీ మంచిది కాదు. అది కూరగాయల రసం అయినా లేదా పండ్ల రసం అయినా, ప్రతి రసం అందరికీ ప్రయోజనకరంగా ఉంటుందని చెప్పలేం. జ్యూస్లు వివిధ శరీర రకాలపై వేర్వేరు ప్రభావాలను చూపుతాయి. బీట్రూట్ ఇది మీ చర్మానికి సహజమైన మెరుపును ఇవ్వడంతో పాటు గుండె ఆరోగ్యానికి మేలు చేస్తుంది. అయితే, బీట్రూట్ రసం అందరి ఆరోగ్యంపై ఒకే ప్రభావాన్ని చూపదు. ఉదాహరణకు, ఒక గ్లాసు రసం మూత్రపిండ రోగులకు మంచి కంటే ఎక్కువ హానిని కలిగిస్తుందని వైద్య నిపుణులు చెబుతున్నారు.
ఈ రోజుల్లో కిడ్నీలో రాళ్లు ఏర్పడటం ఒక సాధారణ సమస్యగా మారింది. కాబట్టి కిడ్నీ రోగులు వారి ఆహారంపై ప్రత్యేక శ్రద్ధ వహించడం చాలా ముఖ్యం. తేలికపాటి కిడ్నీ సమస్యలు లేదా దీర్ఘకాలిక కిడ్నీ వ్యాధి ఉన్నవారికి బీట్రూట్ రసం అంత ప్రయోజనకరంగా ఉండదని వైద్య నిపుణులు చెబుతున్నారు.
బీట్రూట్ జ్యూస్ కిడ్నీ రోగులు ఎందుకు తాగకూడదు?
2021లో క్రిటికల్ రివ్యూస్ ఇన్ ఫుడ్ సైన్స్ అండ్ న్యూట్రిషన్ జర్నల్లో ప్రచురితమైన ఒక అధ్యయనం ప్రకారం, కిడ్నీలో రాళ్లు ఉన్న రోగులు బీట్రూట్ రసంతో జాగ్రత్తగా ఉండాలి. బీట్రూట్లలో ఆక్సలేట్లు అధికంగా ఉంటాయి, ఇవి శరీరంలోని కాల్షియంతో కలిసి స్ఫటికాలను ఏర్పరుస్తాయి. ఈ స్ఫటికాలు క్రమంగా పెరిగి మూత్రపిండాల్లో రాళ్లుగా మారుతాయి. ఇప్పటికే మూత్రపిండాల్లో రాళ్లతో బాధపడుతున్న వ్యక్తి క్రమం తప్పకుండా బీట్రూట్ రసం తాగితే, అది రాళ్ల పరిమాణం, సంఖ్యను పెంచుతుంది. నిపుణుల అభిప్రాయం ప్రకారం, బీట్రూట్ రసం తాగడం వల్ల రాళ్లు పెద్దవిగా మారి, నొప్ప, మూత్ర విసర్జనలో ఇబ్బందిని కలిగిస్తాయి.
ఆక్సలేట్ ఆహారాలను పరిమితం చేయండి
కిడ్నీలో రాళ్లతో బాధపడేవారు ఆక్సలేట్ అధికంగా ఉండే పండ్లు, కూరగాయలను పరిమితంగా తీసుకోవడం మంచిది. నీరు పుష్కలంగా తాగడం కూడా చాలా ముఖ్యం, ఎందుకంటే ఇది శరీరం నుండి విషాన్ని, అదనపు ఖనిజాలను బయటకు పంపడంలో ఇది సహాయపడుతుంది. మీరు కిడ్నీలో రాళ్ల సమస్యలతో బాధపడుతుంటే, మీ ఆహారంలో మార్పులు చేసుకోవడం ముఖ్యం.
గమనిక: పైన పేర్కొన్న అంశాలు ఇంటర్నెట్, నివేదికల నుంచి సేకరించిన సమాచారం మేరకు అందించడం జరిగింది. వీటిపై మీకేవైనా సందేహాలు ఉంటే వైద్యులను సంప్రదించండి.
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి.