Winter Drink: శరీరానికి శక్తినిచ్చే బాబా రాందేవ్ సూపర్ టానిక్ డ్రింక్.. చలికాలంలో తప్పక ట్రై చేయండి..
శీతాకాలంలో వచ్చే జలుబు, దగ్గు, జ్వరాల నుంచి రక్షణకు బాబా రామ్దేవ్ అద్భుతమైన 'సూపర్ టానిక్' డ్రింక్ను పరిచయం చేశారు. ఇంట్లో లభించే అల్లం, పసుపు, కుంకుమపువ్వు, తేనె, శిలాజిత్ వంటి సహజ పదార్థాలతో దీనిని సులభంగా తయారు చేసుకోవచ్చు. రోగనిరోధక శక్తిని బలోపేతం చేయడమే కాకుండా, శరీరాన్ని వెచ్చగా ఉంచి చలి నుండి కాపాడుతుంది. పాలు ఇష్టపడని వారికి ప్రత్యామ్నాయంగా నీటితో తయారు చేసుకునే విధానం కూడా ఉంది.
Updated on: Dec 10, 2025 | 1:10 PM
శీతాకాలం చలితీవ్రత ఎక్కువగా ఉంటుంది. చల్లటి గాలుల కారణంగా ప్రజలు తరచూగా అనారోగ్యం బారినపడుతుంటారు. చలికాలంలో ఎక్కువగా జలుబు, దగ్గు, వైరల్ జ్వరాలు వంటి అనారోగ్యాలకు దారితీస్తాయి. అందుకే ఈ సీజన్లో శరీరాన్ని వెచ్చగా ఉంచుకోవడం, రోగనిరోధక శక్తిని బలోపేతం చేయడం చాలా ముఖ్యం. అందుకే చలికాలంలో శరీరాన్ని వెచ్చగా ఉంచే, వ్యాధులతో పోరాడే సామర్థ్యాన్ని పెంచే ఆహారాలు, పానీయాలు తీసుకోవాలని ఆయుర్వేద, ఆరోగ్యనిపుణులు సూచిస్తున్నారు. యోగా గురువు బాబా రామ్దేవ్ కూడా చలికాలంలో తీసుకోవాల్సిన సూపర్ టానిక్ డ్రింక్ని పరిచయం చేశారు. అలాంటి వింటర్ సూపర్ డ్రింక్ ఏంటి..? దాని తయారీ గురించి ఇక్కడ తెలుసుకుందాం..
బాబా రాందేవ్ సూపర్ టానిక్ డ్రింక్:
ఆయుర్వేద, యోగా గురువు బాబా రామ్దేవ్ తరచుగా తన ఇన్స్టాగ్రామ్లో దేశీయ నివారణల గురించి వీడియోలను పోస్ట్ చేస్తారు. ఇటీవల, అతను ఒక వీడియోను పోస్ట్ చేశాడు. దీనిలో అతను తీవ్రమైన చలిని తరిమికొట్టడానికి అద్భుత హోం రెమిడీ గురించి వివరించారు. ఈ పానీయం శీతాకాలానికి సూపర్ టానిక్ అని బాబా రామ్దేవ్ చెప్పారు. ఇంకా, దీనిని మన ఇంట్లో లభించే, దేశీయ పదార్థాలను ఉపయోగించి తయారు చేస్తారు. ఎలాంటి సైడ్ ఎఫెక్ట్స్ లేని ఈ డ్రింక్ పూర్తిగా సురక్షితం. ఎలా తయారు చేయాలో నేర్చుకుందాం.
ఈ పానీయం మిమ్మల్ని తీవ్రమైన చలి నుండి కాపాడుతుంది. సూపర్ టానిక్ డ్రింక్ తయారు చేయడానికి ఒక పెద్ద గ్లాసు పాలు తీసుకోవాలి. పాలు కాల్షియం, అద్భుతమైన మూలం. ఇది ఎముకలను బలోపేతం చేయడానికి సహాయపడుతుంది. పాలలో తురిమిన అల్లం వేసుకోవాలి. తరువాత, పసుపు, పతంజలి కుంకుమపువ్వు, 1-2 చుక్కల శిలాజిత్, తేనె వేసి కలపండి. ఈ మిశ్రమం మీకు కలర్ఫుట్ కాఫీని పోలి ఉంటుంది. పైన కొద్దిగా దాల్చిన చెక్క పొడి చల్లుకోండి. శీతాకాలంలో మీరు ఈ డ్రింక్ ని ప్రతిరోజూ తీసుకోవచ్చు. అదేవిధంగా ఈ పాలతో చ్యవన్ప్రాష్ తీసుకుంటే శీతాకాలం సీజన్ మొత్తం మీకు ఎటువంటి సమస్యలు ఉండవు అని బాబా రాందేవ్ సూచించారు.
వీడియో ఇక్కడ చూడండి..
View this post on Instagram
పాలు లేకుండా శీతాకాలపు డ్రింక్ ఎలా తయారు చేయాలి:
అయితే, కొందరు పాలు తాగటం ఇష్టపడరు. అలాంటి వారు ఆందోళన చెందాల్సిన అవసరం లేదని బాబా రాందేవ్ వివరించారు. ఈ పానీయాన్ని పాలు లేకుండా కూడా తయారు చేసుకోవచ్చు. దీని కోసం మీరు ఒక గ్లాసు గోరువెచ్చని నీళ్లు తీసుకుని అందులో కొన్ని కుంకుమపువ్వు రేకులు వేసుకోవాలి. తరువాత, చిటికెడు అల్లం, చిటికెడు పసుపు, చిటికెడు శిలాజిత్ పొడి దాల్చిన చెక్క పొడిని వేసుకోవాలి. రుచికోసం తేనె కూడా వేసుకుని తాగేయండి. ఇది చాలా రుచిగా ఉంటుంది. రోగనిరోధక శక్తిని పెంచుతుంది. శరీరానికి మంచి బలాన్ని అందిస్తుంది.
మరిన్ని లైఫ్స్టైల్ న్యూస్ కోసం ఇక్కడ క్లిక్ చేయండి..
