పీజీ డెంటల్‌ కోర్సుల్లో మిగిలిపోయిన సీట్లకు కౌన్సెలింగ్..

web options on remaining seats in PG Dental courses పీజీ డెంటల్‌ కోర్సుల్లో మిగిలిపోయిన సీట్ల భర్తీకి వెబ్‌ కౌన్సెలింగ్‌ తేదీలను ప్రకటించింది. 24, 25 తేదీల్లో వెబ్‌ కౌన్సెలింగ్‌ నిర్వహించనున్నట్లు వరంగల్‌లోని కాళోజి నారాయణరావు ఆరోగ్య విశ్వవిద్యాలయం ప్రకటించింది. ఈమేరకు వెబ్‌ కౌన్సెలింగ్‌ నోటిఫికేషన్‌ను జారీ చేసింది.

కన్వీనర్‌ కోటాలో మిగిలిపోయిన సీట్లను ఈ నోటిఫికేషన్‌ ద్వారా భర్తీ చేయనున్నట్లు వెల్లడించింది. 24న మధ్యాహ్నం ఒంటి గంట నుంచి 25న సాయంత్రం 4 గంటల వరకు వెబ్‌ ఆప్షన్లు ఉంటుందని తెలిపింది. గత విడత కౌన్సెలింగ్‌లో సీటు అలాట్‌ అయి, జాయిన్‌కాని అభ్యర్థులు, కళాశాలలో చేరి డిస్‌కంటిన్యూ అయిన వారు ఈ విడత కౌన్సెలింగ్‌కు అనర్హులని ప్రకటించింది.