AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

సైనిక విన్యాసాల్లో ఘోర ప్రమాదం.. ట్యాంక్ కింద చిక్కుకుని ఇద్దరు జవాన్లు మృతి!

హర్యానాలోని హిసార్ జిల్లాలో తీవ్ర విషాదం చోటుచేసుకుంది. సైనిక శిక్షణ విన్యాసాలు నిర్వహిస్తున్న సమయంలో జరిగిన ప్రమాదంలో ఇద్దరు భారత సైనికులు ప్రాణాలు కోల్పోయారు. శిక్షణలో భాగంగా ట్యాంక్ కదులుతున్న సమయంలో దట్టంగా దుమ్ము లేవడంతో డ్రైవర్‌కు ముందున్న సైనికులు కనిపించలేదు. దీంతో ట్యాంక్ వారిపైకి దూసుకెళ్లినట్లు ప్రాథమిక సమాచారం.

సైనిక విన్యాసాల్లో ఘోర ప్రమాదం.. ట్యాంక్ కింద చిక్కుకుని ఇద్దరు జవాన్లు మృతి!
Indian Army Soldiers
Krishna S
|

Updated on: Nov 22, 2026 | 11:52 PM

Share

హిసార్: హర్యానాలోని హిసార్ జిల్లాలో తీవ్ర విషాదం చోటుచేసుకుంది. సైనిక శిక్షణ విన్యాసాలు నిర్వహిస్తున్న సమయంలో జరిగిన ప్రమాదంలో ఇద్దరు భారత సైనికులు ప్రాణాలు కోల్పోయారు. శిక్షణలో భాగంగా ట్యాంక్ కదులుతున్న సమయంలో దట్టంగా దుమ్ము లేవడంతో డ్రైవర్‌కు ముందున్న సైనికులు కనిపించలేదు. దీంతో ట్యాంక్ వారిపైకి దూసుకెళ్లినట్లు ప్రాథమిక సమాచారం. ఈ ప్రమాదంలో తీవ్రంగా గాయపడిన ఇద్దరు జవాన్లను వెంటనే సైనిక ఆసుపత్రికి తరలించినప్పటికీ ప్రాణాలు దక్కలేదు. విధి నిర్వహణలో ఉన్న సైనికులు మృతి చెందడంతో వారి కుటుంబాల్లో విషాదం నెలకొంది.

దుమ్ము కారణంగా కనిపించని సైనికులు

హిసార్ జిల్లాలోని భోజ్‌రాజ్ గ్రామంలో ఆదివారం సైనిక శిక్షణ విన్యాసాలు జరుగుతున్నాయి. ఈ సందర్భంగా ఇద్దరు సైనికులు ట్యాంక్ ముందు భాగంలో విధుల్లో ఉన్నారు. అయితే విన్యాసాల సమయంలో భారీగా దుమ్ము లేవడంతో ట్యాంక్ డ్రైవర్‌కు ముందున్న పరిస్థితి స్పష్టంగా కనిపించలేదని తెలుస్తోంది. ఈ క్రమంలో ట్యాంక్ ముందుకు కదలడంతో ఇద్దరు సైనికులు దాని కింద చిక్కుకున్నారు. ప్రమాదాన్ని గమనించిన తోటి సైనిక సిబ్బంది వెంటనే సహాయక చర్యలు చేపట్టారు. తీవ్రంగా గాయపడిన వారిని బయటకు తీసి హిసార్‌లోని మిలిటరీ ఆసుపత్రికి తరలించారు. అయితే అప్పటికే వారి పరిస్థితి విషమంగా ఉండటంతో వైద్యులు చికిత్స అందించిన అనంతరం మృతి చెందినట్లు ప్రకటించారు. ఈ ప్రమాదంలో మరణించిన సైనికులను నాయక్ మనీష్ కుమార్, నాయక్ అంకుష్ కుమార్‌గా గుర్తించారు. నాయక్ మనీష్ కుమార్ ఉత్తరప్రదేశ్‌లోని షామ్లీ జిల్లాకు చెందినవారు కాగా, నాయక్ అంకుష్ కుమార్ బదౌన్ జిల్లాకు చెందినవారు. ఇద్దరు సైనికుల మృతితో వారి స్వగ్రామాల్లో విషాద ఛాయలు అలముకున్నాయి.

ప్రమాదంపై విచారణ

ఈ ఘటనపై సమాచారం అందుకున్న పోలీసులు, సైనిక అధికారులు దర్యాప్తు ప్రారంభించారు. ప్రాథమికంగా దుమ్ము కారణంగా ట్యాంక్ డ్రైవర్‌కు ముందున్న సైనికులు కనిపించకపోవడమే ప్రమాదానికి కారణమై ఉండొచ్చని భావిస్తున్నారు. అయితే అసలు ప్రమాదానికి దారితీసిన పరిస్థితులపై పూర్తి వివరాలు తెలియాల్సి ఉంది. ఘటనకు సంబంధించి ఉన్నతాధికారులకు సమాచారం అందించారు. మృతదేహాలను పోస్టుమార్టం నిమిత్తం తరలించినట్లు సమాచారం. శిక్షణ విన్యాసాల సమయంలో జరిగిన ఈ దుర్ఘటన ఇద్దరు సైనికుల కుటుంబాల్లో తీరని విషాదాన్ని నింపింది. దేశ రక్షణ కోసం సేవలందిస్తున్న ఇద్దరు జవాన్లు ఇలా అకాల మరణం చెందడం కలచివేస్తోంది. ప్రమాదానికి గల పూర్తి కారణాలు దర్యాప్తు అనంతరం వెల్లడయ్యే అవకాశం ఉంది.

మరిన్ని క్రైమ్ వార్తల కోసం ఇఖ్కడ క్లిక్ చేయండి..

Follow Us
సైనిక విన్యాసాల్లో అపశృతి.. ఇద్దరు జవాన్లు మృతి!
సైనిక విన్యాసాల్లో అపశృతి.. ఇద్దరు జవాన్లు మృతి!
ఏపీలో డిప్యూటీ మేయర్లు, వైస్ చైర్‌పర్సన్లు ఖరారు..!
ఏపీలో డిప్యూటీ మేయర్లు, వైస్ చైర్‌పర్సన్లు ఖరారు..!
బెండకాయ వేపుడు.. జిగురు లేకుండా పొడి పొడిగా ఇలా చేస్తే సూపర్..
బెండకాయ వేపుడు.. జిగురు లేకుండా పొడి పొడిగా ఇలా చేస్తే సూపర్..
చిన్నారి.. కుక్కతో ముచ్చట్లు.. చూస్తే నవ్వు ఆపుకోలేరు!
చిన్నారి.. కుక్కతో ముచ్చట్లు.. చూస్తే నవ్వు ఆపుకోలేరు!
సర్పంచ్‌గా ఒక్క అవకాశం ఇవ్వండి.. రూ.1.50 కోట్లు ఇస్తా
సర్పంచ్‌గా ఒక్క అవకాశం ఇవ్వండి.. రూ.1.50 కోట్లు ఇస్తా
రాత్రంతా మేల్కొని పనిచేస్తున్నారా? గుండె విషయంలో జాగ్రత్త!
రాత్రంతా మేల్కొని పనిచేస్తున్నారా? గుండె విషయంలో జాగ్రత్త!
మహిళల ఆరోగ్యానికి అద్భుతమైన జ్యూస్.. ఇలా తయారు చేసుకోండి!
మహిళల ఆరోగ్యానికి అద్భుతమైన జ్యూస్.. ఇలా తయారు చేసుకోండి!
రూ.1,600 కోట్ల క్లబ్‌లోకి ‘రామాయణం’.. సరికొత్త రికార్డులు!
రూ.1,600 కోట్ల క్లబ్‌లోకి ‘రామాయణం’.. సరికొత్త రికార్డులు!
బ్లైండ్ ఆసియా కప్ ఫైనల్‌లో వివాదం.. బంతిపడకుండానే పాక్‌కు టైటిల్
బ్లైండ్ ఆసియా కప్ ఫైనల్‌లో వివాదం.. బంతిపడకుండానే పాక్‌కు టైటిల్
గోదావరి పుష్కరాలకు లోగో, ట్యాగ్‌లైన్‌ పోటీలు.. విజేతలకు లక్ష
గోదావరి పుష్కరాలకు లోగో, ట్యాగ్‌లైన్‌ పోటీలు.. విజేతలకు లక్ష