థియేటర్లలో “తుపాకి” పేలుతుందా..?

ఈనెల 25న విడుదల కానున్న తుపాకి రాముడు సినిమాకి ఆటంకాలు ఎదురవుతున్నాయి. సినిమా విడుదలకు థియేటర్లు దొరకడం కష్టంగా మారింది. కళలపై రసమయికి ఉన్న మక్కువతో తుపాకి రాముడు సినిమాని నిర్మించాడు. బిత్తిరి సత్తి, ప్రియ జంటగా టి.ప్రభాకర్ దర్శకత్వంలో ఈ చిత్రం తెరకెక్కుతోంది. అయితే ఈ సినిమాకు థియేటర్లు ఇచ్చేందుకు థియేటర్స్ యజమానులు, డిస్ట్రిబ్యూటర్స్ ముందుకు రావడం లేదు. తుపాకి రాముడు విడుదలకు థియేటర్స్ ఇస్తే ఊరుకునేది లేదని తెలంగాణ నేతలు డిస్ట్రిబ్యూటర్స్ పై బెదిరింపులకు […]

థియేటర్లలో తుపాకి పేలుతుందా..?
Follow us

| Edited By:

Updated on: Oct 23, 2019 | 1:02 PM

ఈనెల 25న విడుదల కానున్న తుపాకి రాముడు సినిమాకి ఆటంకాలు ఎదురవుతున్నాయి. సినిమా విడుదలకు థియేటర్లు దొరకడం కష్టంగా మారింది. కళలపై రసమయికి ఉన్న మక్కువతో తుపాకి రాముడు సినిమాని నిర్మించాడు. బిత్తిరి సత్తి, ప్రియ జంటగా టి.ప్రభాకర్ దర్శకత్వంలో ఈ చిత్రం తెరకెక్కుతోంది. అయితే ఈ సినిమాకు థియేటర్లు ఇచ్చేందుకు థియేటర్స్ యజమానులు, డిస్ట్రిబ్యూటర్స్ ముందుకు రావడం లేదు. తుపాకి రాముడు విడుదలకు థియేటర్స్ ఇస్తే ఊరుకునేది లేదని తెలంగాణ నేతలు డిస్ట్రిబ్యూటర్స్ పై బెదిరింపులకు పాల్పడుతున్నారు.

కాగా, ఈ చిత్రానికి థియేటర్లు ఇవ్వాలని సినీబృందం.. తెలంగాణ రాష్ట్ర సినిమాటోగ్రఫీ మంత్రి తలసాని శ్రీనివాస యాదవ్‌ను కోరింది. అయితే తెలంగాణలో థియేటర్స్ దొరికినా.. ఏపీలో మాత్రం కష్టమేనని నిర్మాతలు చెబుతున్నారు. ఎందుకంటే ఈ సినిమాలో హీరో, హీరోయిన్‌తో పాటు సాంకేతిక నిపుణులందరూ తెలంగాణకు చెందిన వారే కావడం ఓ కారణం అవుతుందని నిర్మాతలు అభిప్రాయపడుతున్నారు. అంతేకాకుండా తెలంగాణ కళలు, సంప్రదాయాలు, బతుకమ్మ పండుగ గురించి తీసిన సందేశాత్మక చిత్రంగా దీన్ని రూపొందించారు. ఇక ఎప్పుడూ నవ్వులు కురిపించే బెత్తిరి సత్తి.. ఈ సినిమాలో ఏడిపిస్తాడని చిత్ర బృందం చెబుతోంది. మరి ఒడిదొడుకులను ఎదుర్కొని ప్రేక్షకులను తుపాకి రాముడు ఏ మేరకు ఆకట్టుకుంటాడో చూడాలి.