Shanmukh Jaswanth Marriage: పెళ్లి ఫోటోస్ షేర్ చేసిన షన్నూ.. కొత్త జంటకు సెలబ్రిటీల శుభాకాంక్షల వర్షం.. ఫోటోస్ ఇదిగో..

షణ్ముఖ్ జస్వంత్ గురించి ప్రత్యేకంగా పరిచయం అక్కర్లేదు. షార్ట్ ఫిల్మ్స్ ద్వారా విపరీతమైన ఫాలోయింగ్ సంపాదించుకున్నాడు. తెలుగు యూట్యూబ్ రంగంలో అత్యంత వేగంగా 4 మిలియన్లకు పైగా సబ్‌స్క్రైబర్స్ సాధించిన టాప్ ఇండిపెండెంట్ క్రియేటర్లలో షణ్ముఖ్ ఒకరు. ప్రస్తుతం అతని ఛానల్‌కు దాదాపు 4.8 మిలియన్ల మంది సబ్‌స్క్రైబర్లు ఉన్నారు.

Shanmukh Jaswanth

: ప్రముఖ తెలుగు యూట్యూబర్, బిగ్ బాస్ రన్నరప్ షణ్ముఖ్ జస్వంత్ (Shanmukh Jaswanth) ఒక ఇంటివాడయ్యాడు. తన లాంగ్‌టైమ్ ప్రేయసి వైష్ణవిని ఆయన వివాహం చేసుకున్నాడు. కుటుంబ సభ్యులు, అత్యంత సన్నిహితులు, కొద్దిమంది స్నేహితుల సమక్షంలో వీరి వివాహ వేడుక ఎంతో ఘనంగా, వైభవంగా జరిగింది. ఈ పెళ్లికి సంబంధించిన అందమైన ఫోటోలను షణ్ముఖ్ జస్వంత్ స్వయంగా తన సోషల్ మీడియా ఖాతాల ద్వారా అభిమానులతో పంచుకున్నాడు. సాంప్రదాయబద్ధంగా జరిగిన ఈ వేడుకలో కొత్త జంట ఎంతో ముచ్చటగా మెరిసిపోయారు.

: పెళ్లి పీటలపై సాంప్రదాయ దుస్తుల్లో చిరునవ్వులు చిందిస్తున్న షణ్ముఖ్, వైష్ణవిల జోడీని చూసి అభిమానులు మురిసిపోతున్నారు. ప్రస్తుతం ఈ పెళ్లి ఫోటోలు ఇన్‌స్టాగ్రామ్, ఎక్స్ వంటి సామాజిక మాధ్యమాల్లో విపరీతంగా ట్రెండ్ అవుతున్నాయి. యూట్యూబ్ వెబ్ సిరీస్‌ల ద్వారా విపరీతమైన క్రేజ్ సంపాదించుకున్న షణ్ముఖ్ జస్వంత్.. ఆ తర్వాత బిగ్ బాస్ తెలుగు సీజన్-5 లో రన్నరప్‌గా నిలిచి బుల్లితెర ప్రేక్షకులకు మరింత చేరువయ్యాడు. తన కెరీర్‌లో ఒడిదొడుకులు ఎదుర్కొన్న సమయంలో వైష్ణవి ఆయనకు అండగా నిలిచింది.

: వీరిద్దరి పరిచయం ప్రేమగా మారి, ఇప్పుడు పెద్దల అంగీకారంతో మూడు ముళ్ళ బంధంతో ఒక్కటయ్యారు. షణ్ముఖ్ పెళ్లి ఫోటోస్ చూసి ఆయన అభిమానులు సంతోషం వ్యక్తం చేస్తున్నారు. “కొత్త జంట చూడముచ్చటగా ఉంది”, “మేడ్ ఫర్ ఈచ్ అదర్” అంటూ కామెంట్ల వర్షం కురిపిస్తున్నారు. నెట్టింట వైరల్ అవుతున్న వీరి పెళ్లి ఫోటోలపై టాలీవుడ్ సెలబ్రిటీలు, తోటి యూట్యూబర్లు, బిగ్ బాస్ కంటెస్టెంట్లు స్పందిస్తూ ఈ కొత్త దంపతులకు హృదయపూర్వక వివాహ శుభాకాంక్షలు తెలియజేస్తున్నారు.

: తెలుగు డిజిటల్ మీడియా ప్రపంచంలో అత్యంత ప్రజాదరణ పొందిన యూట్యూబర్, నటుడు , డ్యాన్సర్ షణ్ముఖ్. యూట్యూబ్‌లో షార్ట్ ఫిలిమ్స్, డ్యాన్స్ వీడియోలతో కెరీర్ ప్రారంభించిన షణ్ముఖ్, విభిన్నమైన యాక్టింగ్ స్టైల్‌తో యూత్‌లో విపరీతమైన క్రేజ్ సంపాదించుకున్నాడు. ది సాఫ్ట్‌వేర్ డెవ్‌లవ్‌పర్ (The Software DevLOVEper) వెబ్ సిరీస్ షణ్ముఖ్ కెరీర్‌ను పూర్తిగా మార్చేసింది. ఇందులో “షన్నూ”గా అతని నటన, డైలాగ్స్ తెలుగు రాష్ట్రాల్లో ప్రభంజనం సృష్టించాయి. ఇది యూట్యూబ్‌లోనే వన్ ఆఫ్ ది బిగ్గెస్ట్ హిట్ సిరీస్‌గా నిలిచింది.

: తర్వాత వచ్చిన ‘సూర్య’, ఇటీవలి కాలంలో వచ్చిన ‘స్టూడెంట్’ వెబ్ సిరీస్‌లు కూడా మిలియన్ల కొద్దీ వ్యూస్ సాధించి, యూట్యూబ్ కింగ్‌గా అతని స్థానాన్ని బలపరిచాయి. ఆహా (Aha) ఓటీటీ ప్లాట్‌ఫామ్‌లో వచ్చిన ఏజెంట్ ఆనంద్ సంతోష్ డిటెక్టివ్ సిరీస్‌తో డిజిటల్ స్క్రీన్‌పై కూడా అలరించాడు. గతంలో ప్రముఖ యూట్యూబర్ దీప్తి సునైనాతో నడిపిన సుదీర్ఘ ప్రేమాయణం, ఆ తర్వాత జరిగిన బ్రేకప్ సోషల్ మీడియాలో పెద్ద టాపిక్‌గా మారాయి. ఆ ఒడిదుడుకులన్నింటినీ దాటుకుని షణ్ముఖ్ తన జీవితంలో కొత్త అధ్యాయాన్ని ప్రారంభించాడు.