జూపల్లి వారి ఇంట పెళ్లికి హాజరైన సీఎం కేసీఆర్

ప్రముఖ పారిశ్రామిక వేత్త, మై హోం గ్రూప్ చైర్మన్, టీవీ9 గ్రూప్ ఛానళ్ల అధినేత జూపల్లి రామేశ్వర్ రావు ఇంట పెళ్లి సందడి కొనసాగుతోంది. హైదరాబాద్‌లోని నోవాటెల్ హోటల్లో ఘనంగా ఈ వివాహ వేడుక జరుగుతోంది. జస్టిస్ పొనుగంటి నవీన్‌రావుతో వియ్యమందుతున్న జూపల్లి కుటుంబం లక్ష్మి, నృపుల్ రావుల వివాహాన్ని మాధాపూర్ హెచ్ఐసీసీలోని నోవాటెల్‌లో ఘనంగా నిర్వహిస్తున్నారు. శ్రీశ్రీశ్రీ త్రిదిండి శ్రీమన్నారాయణ రామానుజ చిన జీయర్ స్వామి ఆశీస్సులతో నిర్వహిస్తున్న ఈ వివాహానికి తెలంగాణ ముఖ్యమంత్రి కల్వకుంట్ల చంద్రశేఖర్ రావు హాజరయ్యారు. ఈ వివాహ వేడుకకు తెలుగు రాష్ట్రాలకు చెందిన పలువురు ప్రముఖులు, సినీ నటులు హాజరవుతున్నారు.