శ్రీ కృష్ణ జ్యూయెలర్స్ సంస్థ యజమాని అరెస్ట్..

ప్రముఖ వ్యాపార సంస్థ శ్రీ కృష్ణ జ్యుయెలర్స్ వైస్ ఛైర్మన్, మేనేజింగ్ డైరెక్టర్ రవిని డీఆర్‌ఐ అధికారులు అరెస్ట్ చేశారు. దేశ, విదేశాల్లో బంగారు ఆభరణాల వ్యాపారం నిర్వహిస్తోన్న సంస్థ యజమానిని అరెస్ట్ చేయడంలో వ్యాపార వర్గాల్లో సంచలనం రేపుతోంది. ఆదివారం సాయంత్రం రవిని చంచల్ గూడ జైలుకు తరలించారు.

ఈ విషయం బయటకు రాకుండా అధికారులు గోప్యత పాటిస్తున్నారు. కస్టమ్స్ చట్టం సెక్షన్ 135 ప్రకారం.. అరెస్ట్ చేసినట్లు డైరెక్టరేట్ ఆఫ్ రెవెన్యూ ఇంటెలిజెన్స్ అధికారులు నాంపల్లి ప్రత్యేక కోర్టుకు తెలిపారు. ముడిసరుకును అక్రమ రవాణా, నిల్వచేయడం, విక్రయించడం వంటి నేరాలకు పాల్పడిన వారిపై చర్య తీసుకునేందుకు ఈ చట్టాన్ని ఉపయోగిస్తారు.