మెగా హీరో కోసం సల్మాన్ ఖాన్ హీరోయిన్.. వరుణ్ తేజ్ సరసన బాలీవుడ్ బ్యూటీ స‌యీ మంజ్రేక‌ర్

యంగ్ హీరో వరుణ్ తేజ్ ప్రస్తుతం స్పోర్ట్స్ డ్రామా మూవీ చేస్తున్నాడు. కిర‌ణ్ కొర్ర‌పాటి డైరెక్ష‌న్ లో తెర‌కెక్కుతున్న ఈ సినిమా షూటింగ్ కరోనా కారణంగా వాయిదా పడుతూ వస్తుంది. ఈ సినిమాలో వరుణ్ తేజ్ బాక్సర్ గా కనిపించనున్నాడు. ఈ సినిమా కోసం చాలా కష్టపడుతున్నాడు వరుణ్. ఇప్పటికే బాక్సింగ్ లో శిక్షణ కూడా తీసుకుంటున్నాడు. ఈ మూవీలో వరుణ్ సరసన నటించే హీరోయిన్ గురించి ఆసక్తికర చర్చ సాగుతుంది. ఈ సినిమాలో హీరోయిన్ గా బాలీవుడ్ బ్యూటీ ని ఎంపిక చేయాలనీ చూస్తున్నారని వార్తలు వస్తున్నాయి.

సల్మాన్ ఖాన్ నటించిన దబాంగ్ సినిమాలో మెరిసిన అందాల భామ బాలీవుడ్ ద‌ర్శ‌కుడు, న‌టుడు మ‌హేశ్ మంజ్రేక‌ర్ కూతురు స‌యీ మంజ్రేక‌ర్ ను టాలీవుడ్ కు తీసుకురావాలని ప్రయత్నిస్తున్నారట. ఇప్పటికే ఈ అమ్మడిని  ఫిక్స్ చేసారని తెలుస్తుంది. తాజాగా స‌యీ మంజ్రేక‌ర్ కు పుట్టిన‌రోజు శుభాకాంక్ష‌లు తెలియ‌జేస్తూ రెనైసేన్స్ పిక్చ‌ర్స్ ఈ విష‌యాన్ని ట్విట‌ర్ ద్వారా తెలియ‌జేసింది. ఈ మూవీతో స‌యీ మంజ్రేక‌ర్ తెలుగు ప్రేక్షకులకు పరిచయం అవ్వబోతుంది. ఇక వరుణ్ తేజ్ ఈ సినిమా తరవాత అనీల్ రావిపూడి తెరకెక్కిస్తున్న ఎఫ్ 3 లో నటించనున్నాడు.