చెత్త ఏరుకుంటూ జీవనం : ఇంట్లో బిందెల నిండా చిల్ల‌ర నాణేలే !

తమిళనాడులో చెత్త ఏరుకుని జీవ‌నం సాగించే వారింట్లో దాదాపు రూ.2 లక్షలు విలువ చేసే చిల్లర నాణేలు బ‌య‌ట‌ప‌డ్డాయి. రూ.40 వేలు విలువైన ర‌ద్దు చేసిన‌ నోట్లు, బంగారమూ లభ్య‌మ‌య్యాయి‌.

వివ‌రాల్లోకి వెళ్తే.. చెన్నై, ఒట్టేరి, సత్యవాణిముత్తు నగర్​ ప్రాంతాల‌కు చెందిన విజయలక్ష్మి (60), రాజేశ్వరి (65), ప్రభావతి (57)లకు ఇల్లు ఉన్నా..చెత్త ఏరుకుంటూ రోడ్డు పక్కనే నివ‌శిస్తున్నారు. వీరు ఎందుకు అక్క‌డ నివ‌శిస్తున్నారో తెలుసుకోడానికి ఇటీవ‌ల లోక‌ల్ పోలీసులు వారి ఇంటిని తనిఖీ చేశారు. ఈ త‌నిఖీల్లో ప్లాస్టిక్ బిందెల్లో నింపిన చిల్లర నాణేలు, ఏడు సవర్ల బంగారం, రూ. 40 వేలు విలువ చేసే రద్దయిన 500, 1000 రూపాయల పాత నోట్లు బ‌య‌ట‌ప‌డ్డాయి. ఇవి చూసి ఇరుగుపొరుగువారు షాక్ అయ్యారు.

Also Read : ఏపీ విద్యార్థుల‌కు గుడ్ న్యూస్ : ఈ నెలలో ఒకేసారి 90 గుడ్లు పంపిణీ