‘జెర్సీ’ డైరెక్టర్‌తో రామ్ చరణ్.. వర్కౌట్ అవుతుందా.?

Ram Charan New Movie: ‘జెర్సీ’ సినిమాతో తనకంటూ ప్రత్యేక గుర్తింపు తెచ్చుకున్నారు దర్శకుడు గౌతమ్ తిన్ననూరి. ప్రస్తుతం ఆయన ఈ చిత్రాన్ని హిందీలో రీమేక్ చేస్తున్న సంగతి తెలిసిందే. షాహిద్ కపూర్ ప్రధాన పాత్రలో నటిస్తుండగా అల్లు అరవింద్- దిల్ రాజు కలిసి సంయుక్తంగా ఈ రీమేక్‌ను నిర్మిస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతోంది. వచ్చే ఏడాది విడుదల చేయడానికి సన్నాహాలు చేస్తున్నారు. ఇదిలా ఉంటే గౌతమ్ నెక్స్ట్ ప్రాజెక్ట్ గురించి ఓ వార్త ఇప్పుడు సోషల్ మీడియాలో వైరల్ అవుతోంది.

ఈ దర్శకుడు మెగా పవర్ స్టార్ రామ్ చరణ్‌ హీరోగా ఓ భారీ చిత్రాన్ని ప్లాన్ చేస్తున్నట్లు ఫిల్మ్‌నగర్ టాక్. ఇప్పటికే స్క్రిప్ట్‌పై చర్చలు కూడా జరిగినట్లు సమాచారం. ఈ చిత్రాన్ని ఎన్‌.వి. ప్రసాద్ నిర్మిస్తారని వినికిడి. అయితే దీనిపై ఎటువంటి అధికారిక ప్రకటన రాలేదు గానీ.. త్వరలోనే నిర్మాత, దర్శకుడు, రామ్ చరణ్ మధ్య ఓ మీటింగ్ జరగనున్నట్లు సమాచారం. ఇక ఆ సమావేశం తర్వాతే ఈ ప్రాజెక్ట్‌పై ఓ క్లారిటీ వచ్చే అవకాశం ఉంది. కాగా, చెర్రీ ప్రస్తుతం ‘ఆర్ఆర్ఆర్’ మూవీ షూటింగ్‌లో బిజీగా ఉన్నారు.