రాహుల్‌కి షాకిచ్చిన ఖుష్బూ

నూతన విద్యా విధానంపై పార్టీ విధానంతో తాను పూర్తిగా విభేదిస్తున్నానన్నారు కాంగ్రెస్ పార్టీ నేత, నటి ఖుష్బూ. ఇందుకు రాహుల్ గాంధీకి సారీ చెప్పారు. తను ఉన్నది ఉన్నట్లు మాట్లాడతానని చెప్పుకొచ్చారు. తాను రోబోను కాను.. కీలు బొమ్మను అసలే కాను అంటూ తనదైన తరహాలో వాయిస్ పెంచారు. ప్రతి విషయంలోనూ అధిష్ఠానానికి తలూపాల్సిన పని లేదని.. ఓ సాధారణ పౌరురాలిగా మన వైఖరి చాలా ధైర్యంతో చెప్పాలన్నారు. మరోవైపు కేంద్ర ప్రభుత్వం నూతనంగా ప్రవేశపెట్టిన విద్యా విధానాన్ని ఆమె స్వాగతించారు. అయితే… ఇది కేవలం తన వ్యక్తిగత అభిప్రాయమని, పార్టీకి ఏమాత్రం సంబంధం లేదని ఆమె స్పష్టం చేశారు.

ఇదిలావుంటే సౌత్ ఇండియా నుంచి కాంగ్రెస్ పార్టీకి వెన్నుదన్నుగా నిలిచే కుష్బూ ఒక్కసారిగా ఇలాంటి  కామెంట్ చేయడంతో పార్టీ నేతలు షాక్‌కు గురయ్యారు. అందులోనూ రాహుల్ గాంధీని ఉద్దేశించి మాట్లాడటంతో దిక్కుతోచని స్థితిలో పడిపోయారు.