మంచి నిద్ర కావాలంటే…ఈ టిప్స్ పాటించండి..!

నిద్ర మ‌నిషి ఆరోగ్యంగా ఉండ‌టానికి ఎంతో అవ‌స‌రం. స‌రిప‌డినంత స‌రైన నిద్ర లేక‌పోతే అనారోగ్య స‌మస్య‌లు త‌ప్ప‌వు. అయితే హ్యాపీగా నిద్రపోవాలంటే కొన్ని టిప్స్ ఉన్నాయి.

• సెల్ ఫోన్ మీద ఉండే బ్లూ లైట్ అనేది కళ్లకు చాలా హాని చేస్తోంది. ముఖ్యంగా చీకట్లో దీన్ని వినియోగించ‌డం వ‌ల్ల క‌ళ్ల‌పై ఎఫెక్ట్ చూపించి..నిద్ర‌ను దూరం చేస్తోంది.
• కెఫెన్ ఉండే ప‌దార్థాల‌కు రాత్రిపూట‌ సాధ్య‌మైనంత దూరంగా ఉండండి. చాలా మంది కాఫీల‌కు చాలా అల‌వాటు ప‌డి ఉంటారు. అది మోతాదుకు మించితే నిద్ర‌కు ప్ర‌మాద‌మే.
• అతిగా కొవ్వు ఉన్న ప‌దార్థాల‌ను మాగ్జిమ‌మ్ త‌ప్పించండి. అవి సరిగ్గా జీర్ణం అవ్వ‌క మీ నిద్ర‌కు భంగం క‌లిగిస్తాయి.
• చాలామంది రాత్రి పూట‌ వ్యాయామం చేస్తే అలసిపోయి బాగా నిద్రపడుతుందని అనుకుంటారు. ఎక్సర్‌సైజ్ చేయడం వల్ల శ‌రీరంలోని నరాల‌న్నీ ఉత్తేజం అవుతాయి. అప్పుడు నిద్ర కోసం చాలా స‌మ‌యం వెయిట్ చేయాల్సి వ‌స్తుంది.
• మద్యం సేవించ‌డం ఆరోగ్యానికి హానికరం. అలాగే మీ ప్ర‌శాంతమైన నిద్ర‌కు కూడా ప్ర‌మాద‌క‌రం. రాత్రి భోజ‌నానికి ముందు మద్యం సేవించడం చాలా మందికి అలవాటుగా ఉంటుంది. అయితే, స్వ‌చ్చ‌మైన నిద్ర‌ కావాలంటే రాత్రి పూట మద్యానికి దూరంగా ఉండాల్సిందే.