వెబ్సిరీస్ ఎంట్రీకి పాయల్ గ్రీన్ సిగ్నల్..!
కరోనా వైరస్ అన్ని రంగాలపై ప్రతికూల ప్రభావం చూపించింది. ముఖ్యంగా సినిమా రంగం తీవ్రంగా కుదేలైంది. ఇప్పటికీ థియేటర్స్ ఓపెన్ కాకపోవడంతో దర్శకనిర్మాతలు ఓటీటీవైపు చూస్తున్నారు. ఈ ఫ్లాట్పాం ద్వారా నష్టాలను తగ్గించుకునే మార్గాలు అన్వేశిస్తున్నారు.
Updated on: Jul 09, 2020 | 5:11 PM
కరోనా వైరస్ అన్ని రంగాలపై ప్రతికూల ప్రభావం చూపించింది. ముఖ్యంగా సినిమా రంగం తీవ్రంగా కుదేలైంది. ఇప్పటికీ థియేటర్స్ ఓపెన్ కాకపోవడంతో దర్శకనిర్మాతలు ఓటీటీవైపు చూస్తున్నారు. ఈ ఫ్లాట్పాం ద్వారా నష్టాలను తగ్గించుకునే మార్గాలు అన్వేశిస్తున్నారు. సినిమా భవిష్యత్ ఓటీటీలపై ఆధారపడే అవకాశాలు కనిపిస్తున్నాయి. ఈ క్రమంలో దీంతో తారలు కూడాా ఈ వేదికలపై ఇంట్రస్ట్ చూపిస్తున్నారు.
అందుకే ఛాన్స్ రాగానే ఏమాత్రం తడుముకోకుండా వెబ్సిరీస్లో నటించడానికి గ్రీన్ సిగ్నల్ ఇచ్చేస్తున్నారు. ఇప్పటికే సమంత సహా పలు టాలీవుడ్ భామలు ఓటీటీలవైపు అడుగులు వేశారు. తాజాగా ఆ లిస్ట్ లో హాట్ పాయల్ రాజ్పుత్ చేరింది. తెలుగులో ఓ వెబ్ సిరీస్ కోసం మేకర్స్ తో ఆమె ప్రస్తుతం చర్చలు జరుపుతోంది. హిందీ టీవీ సీరియల్స్తో తెరపై జర్నీ స్టార్ట్ చేసిన ఈ భామ.. పంజాబ్లో వచ్చిన ‘సైరత్’ రీమేక్తో హీరోయిన్గా ఎంట్రీ ఇచ్చింది. ఆ తర్వాత పలు భాషల్లో అవకాశాలు ఒడిసిపట్టింది. అనంతరం టాలీవుడ్లో ‘ఆర్ఎక్స్ 100’ తో కుర్రాళ్ల గుండెల్లో సెగలు రేపింది. ‘ఎన్టీఆర్ కథానాయకుడు’, ‘సీత’, ‘ఆర్డీఎక్స్ లవ్’, ‘వెంకీమామ’, ‘డిస్కోరాజా’ సినిమాల్లో టాప్ హీరోలతో ఆడిపాడింది. ప్రజంట్ ఏంజెల్(తమిళం), నరేంద్ర(తెలుగు)లో నటిస్తోంది.
