షూటింగ్ స్పాట్‌లో దాడి.. గాయపడిన చిత్ర దర్శకుడు

ఈ మధ్య కాలంలో చిత్ర యూనిట్ పై గుర్తు తెలియని దుండగులు దాడి చేయడం సాధారణం అయిపోయింది. అప్పట్లో పద్మావతి, ఆ తర్వాత సల్మాన్ మూవీ సెట్ పై, రీసెంట్‌గా మణికర్ణిక చిత్రబృందం పై కూడా దాడులు జరిగాయి. తాజాగా ప్రముఖ నిర్మాత ఏక్తా కపూర్ నిర్మిస్తున్న ఫిక్సర్ అనే వెబ్ సిరీస్ షూటింగ్‌లో పాల్గొంటున్న చిత్రబృందం పై కొందరు గుర్తుతెలియని వ్యక్తులు దాడికి పాల్పడ్డారు. దీంతో దర్శకుడు సోహమ్ షా కింద పడిపోయారు. దాడి ఘటనలో ఓ కెమెరా మెన్ కి తీవ్రగాయాలు అయ్యాయి. దాడికి సంబంధించిన విషయాలను తెలియజేస్తూ నటి తిగ్మాంషు ధులియా తన ట్విట్టర్‌లో ఓ వీడియోను షేర్ చేశారు.

అయితే తమపై దాడి చేసిన వారు ఆ ప్రాంతంలో రౌడీలు అని అక్కడి ప్రజలు చెబుతున్నారు. వారి అనుమతి లేకుండా షూటింగ్ జరపకూడదని హెచ్చరించినట్లు నటి తిగ్మాంషు తెలిపారు. కాగా, షూటింగ్ కి పర్మిషన్ తీసుకున్నామని.. డబ్బులు కూడా ముందే చెల్లించామని దర్శకుడు చెబుతున్నారు.

I was there when it happened on the sets of fixer at Mira road drunk goons thrashed our unit Santosh thundiyal cameraman got six stitches. Pathetic pic.twitter.com/eWnJ55YXzv

— Tigmanshu Dhulia (@dirtigmanshu) June 19, 2019