హరీష్‌తో జగ్గారెడ్డి… పార్టీ మారనున్నారా?

రాజకీయాల్లో పార్టీలు మారడం అనేది కామన్. టీఆర్ఎస్ అంటేనే మండిపడే సంగారెడ్డి ఎమ్మెల్యే జగ్గారెడ్డి… రెండోసారి ఆ పార్టీ అధికారంలోకి వచ్చిన తరువాత తన స్వరాన్ని సవరించాడు. సీఎం కేసీఆర్, కేటీఆర్‌లను విమర్శించబోనని తెలిపిన జగ్గారెడ్డి… హరీశ్ రావును మాత్రం ఓ రేంజ్‌లో టార్గెట్ చేశారు. హరీష్ చర్యల వల్లే నిజాంసాగర్ ఎండిపోయిందని… సంగారెడ్డి నీటి ఎద్దడికి హరీశ్ రావే కారణమంటూ తీవ్రంగా దుయ్యబట్టాడు. అలాంటి జగ్గారెడ్డి తాజాగా హరీశ్ రావుతో కలిసి అభివృద్ధి పాట పాడటం… మంత్రి హోదాలో సంగారెడ్డికి వచ్చిన హరీష్‌తో కలిసి ప్రభుత్వ కార్యక్రమాల్లో పాల్గొనడం… మరోవైపు హరీశ్ రావుకు ఆత్మీయ సన్మానం చేయడం అందరి దృష్టిని ఆకర్షిస్తోంది. పార్టీ మారేందుకు ప్రయత్నిస్తున్నారా? అనే చర్చ రాజకీయవర్గాల్లో హాట్ టాపిక్‌గా మారింది.