భారత్ లో కరోనా కల్లోలం..24 గంటల్లో 32,695 కేసులు, 606 మంది మృతి

భారత్​లో కరోనా వ్యాప్తి తీవ్ర‌త‌రం అవుతోంది. రోజురోజుకు పాజిటివ్ కేసుల సంఖ్య పెరుగుతోంది. గ‌డిచిన 24 గంట‌ల్లో కొత్తగా 32,695 కరోనా కేసులు నమోదయ్యాయి. అలాగే 606 మంది కోవిడ్-19 కార‌ణంగా ప్రాణాలు విడిచారు. దేశంలో మొత్తం పాజిటివ్ కేసుల సంఖ్య‌ 9,68,876కి చేరుకుంది. ప్రస్తుతం 3,31,146 యాక్టివ్ కేసులున్నాయి. అలాగే 6,12,815 మంది వ్యాధి బారి నుంచి కోలుకున్నారు. క‌రోనాతో మొత్తం మ‌ర‌ణించిన వారి సంఖ్య‌ 24,915.

మహారాష్ట్రలో కరోనా​ వైర‌స్ వీర‌విహారం చేస్తోంది. రాష్ట్రంలో మొత్తం కోవిడ్-19 కేసుల సంఖ్య 2,75,640కి చేరింది. 10,928 మంది వైరస్ కార‌ణంగా చ‌నిపోయారు. తమిళనాడులో కేసులు 1,51,820 మందికి క‌రోనా సోకింది. 2,167 మంది వైర‌స్ కు బ‌ల‌య్యారు. ఢిల్లీలో క‌రోనా​ బాధితుల సంఖ్య 1,16,993గా ఉంది. మొత్తంగా 3,487 మంది చ‌నిపోయారు. గుజరాత్​లో మొత్తంగా 44,552 మందికి కరోనా పాజిటివ్​గా తేలింది. 2,079మంది కరోనా కారణంగా ప్రాణాలు విడిచారు.