దేశంలో క‌రోనా వీర‌విహారం…ఒక్క‌రోజే 613 మరణాలు

దేశంలో కరోనా మహమ్మారి విల‌య‌తాండ‌వం చేస్తోంది. కొత్తగా రికార్డు స్థాయిలో 24 వేల 850 క‌రోనా వైర‌స్ కేసులు న‌మోద‌య్యాయి. మరో 613 మంది ఈ మహ‌మ్మారి కార‌ణంగా ప్రాణాలు కోల్పోయారు. పెరుగుతోన్న‌మ‌రణాల సంఖ్య ఆందోళన క‌లిగిస్తోంది. దేశవ్యాప్తంగా ఒక్కరోజు ప‌రిధిలో ఈ స్థాయిలో మరణాలు, కేసులు నమోదవడం ఇదే ఫ‌స్ట్ టైమ్.

కేంద్ర ఆరోగ్య, కుటుంబ సంక్షేమశాఖ క‌రోనా గురించి వెల్లడించింన తాజా వివ‌రాలు :

దేశంలో మొత్తం క‌రోనా కేసుల సంఖ్య 6,73,165

ప్ర‌స్తుతం యాక్టీవ్ కేసులు 2,44,814

వ్యాధి నుంచి కోలుకున్న‌వారు 4,09,082

క‌రోనాతో మ‌ర‌ణించిన‌వారి సంఖ్య 19,268

ఇక‌ మహారాష్ట్రలో కోవిడ్-19​ విజృంభణ కొనసాగుతోంది. అక్క‌డ‌ మొత్తం కేసుల సంఖ్య 2,00,064చేరింది. వీరిలో 8,671 మంది వైరస్​ కార‌ణంగా ప్రాణాలు విడిచారు. తమిళనాడులో ఇప్పటి వరకు 1,07,001మందికి వైరస్​ నిర్దార‌ణ కాగా.. ప్రాణాలు కొల్పోయినవారి సంఖ్య‌ 1,450కి చేరింది. గుజరాత్​లో 1,925 మందిని వైర‌స్ బలితీసుకుంది. దిల్లీలో మొత్తం పాజిటివ్ కేసులు 9,72,002కు, మృతుల సంఖ్య 3,004కి చేరింది.