ఫ్రాన్స్ ప్రధాని రాజీనామా..

French Prime Minister Resigns : ఫ్రాన్స్ ప్ర‌ధానమంత్రి ఎడువార్డ్ ఫిలిప్ రాజీనామా చేశారు. అధ్య‌క్ష భ‌వ‌నం ఎలిసీ ప్యాలెస్ ఈ విష‌యాన్ని నిర్ధారించింది. దేశ అధ్య‌క్షుడు ఎమ్మాన్యువ‌ల్ మాక్ర‌న్‌కు రాజీనామా ప‌త్రాన్ని అంద‌జేశారు. ప్ర‌ధాని రాజీనామాను అంగీక‌రించినట్లుగా అధ్యక్ష భవనం ప్రకటించింది. అయితే ప్రధాని ఎడువార్డ్ ఏ కారణాలతో రాజీనామా  చేస్తున్నారో చెప్పలేదు.

అయితే ప్ర‌భుత్వ స‌భ్యుల‌తో.. కొత్త ప్ర‌భుత్వ ఏర్పాటు వ‌ర‌కు ప‌రిపాల‌న చేయ‌నున్న‌ట్లు ఇవాళ‌ ఓ లేఖ‌లో పేర్కొంది. 2017 నుంచి ఫిలిప్‌.. ఫ్రాన్స్ ప్ర‌ధానిగా బాధ్య‌త‌లు నిర్వ‌ర్తిస్తున్నారు. గ‌త వారం క్రితం జ‌రిగిన స్థానిక ఎన్నిక‌ల్లో.. లీ హార్వే నుంచి ఫిలిప్ మేయ‌ర్‌గా ఎన్నిక‌య్యారు. గ‌తంలోనూ ఇదే పోర్టు న‌గ‌రం నుంచి ఫిలిప్ మేయ‌ర్‌గా చేశారు. ప్ర‌ధాని ఫిలిప్ రాజీనామాతో ఫ్రాన్స్‌లో రాజ‌కీయ స‌మీక‌ర‌ణ‌లు మార‌నున్నాయి.