ఏపీలో రికార్డు స్థాయిలో కరోనా కేసులు.. కొత్తగా ఎన్నంటే.!

Corona Cases In Andhra Pradesh: ఆంధ్రప్రదేశ్‌లో కరోనా వైరస్ వెన్నులో వణుకు పుట్టించేలా విస్తరిస్తోంది. గత కొద్దిరోజులుగా వరుసగా పాజిటివ్ కేసుల సంఖ్య పెరుగుతూనే ఉంది. గడిచిన 24 గంటల్లో కొత్తగా 10,830 కరోనా కేసులు నమోదు అయ్యాయి. దీనితో రాష్ట్రంలో మొత్తంగా పాజిటి వ్ కేసుల సంఖ్య 3,82,469కు చేరింది.

Also Read: ఏపీ ప్రభుత్వం కీలక నిర్ణయం.. ఇంటర్ పరీక్ష రాయకున్నా పాస్.!

ఇందులో యాక్టివ్ కేసులు 92,208 కాగా, 2,86,720 మంది కరోనా నుంచి కోలుకుని డిశ్చార్జ్ అయ్యారు. ఇక రాష్ట్రంలో మొత్తంగా కరోనా మరణాల సంఖ్య 3541కి చేరింది. ఇదిలా ఉంటే రాష్ట్రంలోని ఏడు జిల్లాల్లో కరోనా పాజిటివ్ కేసుల సంఖ్య 30 వేలు దాటగా.. అత్యధికంగా తూర్పుగోదావరి(53,567)లో నమోదయ్యాయి. అటు గడిచిన 24 గంటల్లో 8,473 మంది కోవిడ్ నుంచి కోలుకుని సంపూర్ణ ఆరోగ్యంతో డిశ్చార్జ్ కాగా.. 81 మంది వైరస్ కారణంగా మరణించారు. ఇక నేటి వరకు రాష్ట్రంలో 34,18,690 సాంపిల్స్ పరీక్షించారు.