మొదలైన జానీ మాస్టర్ సినిమా.. తొలిషాట్ కు క్లాప్ కొట్టిన యాక్షన్ డైరెక్టర్ వివి వినాయక్

టాలీవుడ్ కొరియోగ్రాఫర్ జానీ మాస్టర్ హీరోగా మారనున్న విషయం తెలిసిందే.  తాజాగా జానీ మాస్టర్ సినిమా లాంచనంగా ప్రారంభం అయ్యింది. హైదరాబాద్ లోని రామానాయుడు స్టుడియోలో ఈ సినిమా ఘనంగా ప్రారంభం అయ్యింది. తొలిషాట్ కు యాక్షన్ డైరెక్టర్ వివి వినాయక్ క్లాప్ కొట్టారు. మెగాబ్రదర్ నాగబాబు కెమెరా స్విచ్ ఆన్ చేశారు. ఈ సినిమాలో ‘హిప్పీ’ ఫేమ్ దిగంగనా సూర్యవంశీ హీరోయిన్ గా నటిస్తుంది.

ఈసందర్భంగా నిర్మాత లగడపాటి శ్రీదర్ మాట్లాడుతూ.. జానీ మాస్టర్ వండర్ ఫుల్ యాక్టర్ అవుతారని అన్నారు. త్వరలోనే జానీ మాస్టర్ తో ‘స్టైల్ 2’ సినిమా తెరకెక్కించాలని చూస్తున్నాం. చాలా రోజులనుంచి చర్చలు జరుగుతున్నాయని తెలిపారు. ఇక హీరోయిన్ దిగంగనా సూర్యవంశీ మాట్లాడుతూ.. జానీ మాస్టర్ తో నటించడం చాలా ఎక్సైటింగ్ గా ఉంది. ఈ సినిమాలో నటించే అవకాశం కల్పించినందుకు నిర్మాత, దర్శకులకు ధన్యవాదాలు తెలుపుతున్నా అని అన్నారు. మురళి రాజ్ తియ్యాన దర్శకత్వం వహిస్తున్న ఈ సినిమాకు శ్యామ్ కే నాయుడు సినిమాటోగ్రఫర్ గా చేస్తున్నారు. రధాన్ సంగీతం అందిస్తున్నారు.