బండ్ల గణేష్కు కరోనా.. టెన్షన్లో సినీ ప్రముఖులు..!
ప్రపంచవ్యాప్తంగా కరోనా విజృంభణ కొనసాగుతోంది. చిన్న- పెద్ద, పేద- ధనిక, కుల- మత తేడాలు లేకుండా ప్రతి ఒక్కరికి ఈ వైరస్ సోకుతోంది.
ప్రపంచవ్యాప్తంగా కరోనా విజృంభణ కొనసాగుతోంది. చిన్న- పెద్ద, పేద- ధనిక, కుల- మత తేడాలు లేకుండా ప్రతి ఒక్కరికి ఈ వైరస్ సోకుతోంది. ఇక టాలీవుడ్లోనూ కరోనా టెన్షన్ మొదలైంది. ప్రముఖ నటుడు, నిర్మాత బండ్ల గణేష్కు కరోనా సోకింది. హెయిర్ ట్రీట్మెంట్ కోసం వెళ్లగా.. అక్కడ ఆయనకు కరోనా పరీక్షలు నిర్వహించగా,. ఆ ఫలితాల్లో బండ్లకు పాజిటివ్గా తేలినట్లు సమాచారం. అయితే ఆయనకు ఏ లక్షణాలు లేనట్లు తెలుస్తోంది. ఇక ప్రస్తుతం ఆయన హైదరాబాద్లో హోమ్ క్వారంటైన్లో ఉన్నారు. మరోవైపు ఆయన ఎవరెవరిని కలిశారో తెలుసుకునే పనిలో పడ్డ అధికారులు, కుటుంబ సభ్యులకు కూడా టెస్ట్లు చేసినట్లు తెలుస్తోంది. ఇదిలా ఉంటే బండ్ల గణేష్ నివాసం ఉంటున్న ఇంటి కాంపౌండ్లోనే హీరో నాగశౌర్య కుటుంబంతో నివసిస్తున్నారు. దీంతో పలువురు సినీ ప్రముఖులు ఆందోళనలో ఉన్నట్లు సమాచారం.
Read This Story Also: ఏపీ కరోనా అప్డేట్స్: 100 దాటిన కరోనా మరణాలు