అక్టోబర్లో 5 స్కిల్ డెవలెప్మెంట్ కాలేజీలు ప్రారంభం: మంత్రి మేకపాటి
కరోనా సంక్షోభ సమయంలో కూడా ఏపీ సీఎం జగన్ సంక్షేమ పథకాలతో దూసుకుపోతున్నారు. ఈ క్రమంలో అక్టోబర్లో లాంఛనంగా 5 స్కిల్ కాలేజీలను ప్రారంభించనున్నట్టు ఐటీ, వాణిజ్య శాఖ మంత్రి మేకపాటి గౌతమ్రెడ్డి
కరోనా సంక్షోభ సమయంలో కూడా ఏపీ సీఎం జగన్ సంక్షేమ పథకాలతో దూసుకుపోతున్నారు. ఈ క్రమంలో అక్టోబర్లో లాంఛనంగా 5 స్కిల్ కాలేజీలను ప్రారంభించనున్నట్టు ఐటీ, వాణిజ్య శాఖ మంత్రి మేకపాటి గౌతమ్రెడ్డి వెల్లడించారు. శనివారం ఆయన నైపుణ్యాభివృద్ధి, శిక్షణ శాఖ అధికారులతో వీడియో కాన్ఫరెన్స్ ద్వారా సమీక్ష నిర్వహించారు. గాంధీ జయంతి రోజు 4 స్కిల్ కాలేజీల ప్రారంభానికి శ్రీకారం చుట్టామన్నారు. కడప, ఏలూరు, ఒంగోలు, అనంతపురం, నెల్లూరు జిల్లాలలో స్కిల్ కాలేజీల ప్రారంభోత్సం ముఖ్యమంత్రి వైఎస్ జగన్ చేతుల మీదుగా జరగనుందని వెల్లడించారు.
కాగా.. రానున్న సంవత్సరం జనవరిలో కొత్తగా మరో 25 స్కిల్ కాలేజీల ప్రారంభానికి సన్నద్దం కావాలని ఆయన అధికారులకు సూచించారు. అనుకున్న సమయానికి అనుకున్నవి పూర్తి చేసేలా కార్యాచరణ పూర్తి చేయాలని ఆదేశించారు. అదే విధంగా 30 కాలేజీల పర్యవేక్షణకు ‘ప్రాజెక్టు మానిటరింగ్ యూనిట్’ను ఏర్పాటు చేయనున్నట్లు ఈ సందర్భంగా ప్రకటించారు. ఆర్థికపరమైన ఇబ్బందులు రాకుండా సీఎస్ఆర్ నిధుల సమీకరణపై మరింత దృష్టి సారించాలన్నారు.
Also Read: తెలంగాణలో.. మూతపడనున్న 16 ఇంజనీరింగ్ కాలేజీలు..!