1 గ్రాము రూ.8 లక్షలు.. ప్రపంచంలోనే అత్యంత ఖరీదైన, ప్రమాదకరమైన విషం ఇదే!
పాముకాటు మరణాలు ప్రపంచవ్యాప్తంగా అధికం. కానీ పాము విషం కేవలం ప్రాణాంతకమే కాదు, ప్రాణాలు రక్షించే ఔషధాల తయారీకి కూడా ఉపయోగపడుతుంది. గుజరాత్లో విష నిరోధక మందుల ఉత్పత్తికి కృషి జరుగుతోంది. పాము విషాన్ని ఎలా సేకరిస్తారు, యాంటీవీనమ్ ఎలా తయారు చేస్తారు, అత్యంత ఖరీదైన పాము విషం ఏది, దాని ధర ఎంత వంటి ఆసక్తికర విషయాలను ఈ కథనంలో తెలుసుకుందాం.
Updated on: Feb 25, 2026 | 5:04 PM
ఎప్పుడూ పాముకాటు వల్ల ప్రజలు మరణించిన సందర్భాలే ఎక్కువగా ఉన్నాయి. WHO ప్రకారం ప్రతి సంవత్సరం 5.5 మిలియన్ల మంది పాము కాటు కారణంగా మరణిస్తున్నారు. పాముల విషం ప్రతి సంవత్సరం వేలాది మందిని చంపుతుంది. కొన్ని పాముల విషం అత్యంత ప్రమాదకరమైనది. అది ఒక వ్యక్తిని సెకన్లలో చంపగలదు. మరోవైపు, పాము విషాన్ని అనేక మందులను తయారు చేయడానికి కూడా ఉపయోగిస్తారు. పాము కాటు మరణాల రేటును తగ్గించడానికి గుజరాత్లో విష నిరోధక(యాంటీవీనమ్) మందులను తయారు చేసే పని జరుగుతోంది. ధరంపురిలోని పాము పరిశోధన సంస్థ ఇందులో ముఖ్యమైన పాత్ర పోషిస్తోంది.
ఈ సంస్థ ఈ-వేలంలో ఇండియన్ కోబ్రా, కామన్ క్రైట్, రస్సెల్ వైపర్, సా-స్కేల్డ్ వైపర్ వంటి పాముల నుండి అధిక నాణ్యత గల విషానికి ఊహించిన దానికంటే ఎక్కువ ధరలను చెల్లింస్తోందని తెలిస్తే మీరు షాక్ అవుతారు. కాబట్టి ఈ రోజు మనం పాము విషాన్ని ఎలా తీస్తారు..? దాని నుండి ఔషధం ఎలా తయారు చేస్తారో తెలుసుకుందాం. దీనితో పాటు, అత్యంత విషపూరితమైన పాము ఏది..? దాని విషం ఖరీదు ఎంత ఉంటుందో కూడా తెలుసుకుందాం.
విషయాన్ని ఎలా సేకరిస్తారు..?
పాము విషాన్ని ఎలా తొలగిస్తారో మీకు తెలియకపోవచ్చు. కానీ, పాము నుండి విషాన్ని తొలగించడం చాలా కష్టమైన పని. ఈ పని చాలా జాగ్రత్తగా, నిపుణుల బృందం సహాయంతో జరుగుతుంది. దీనిని పాము పాలు పితికే ప్రక్రియ అని కూడా అంటారు. ఈ ప్రక్రియలో పాము నోరు తెరిచి ఒక కంటైనర్ లేదా సీసాకు నొక్కి ఉంచబడుతుంది. తద్వారా అది విడుదల చేసే విషం కంటైనర్లోకి వెళ్తుంది. ఇక ఈ విషయంతో కొన్ని రకాల ఔషధాలను తయారు చేస్తారు.
ఔషధం ఎలా తయారు చేస్తారు?
విష నిరోధక మందును తయారు చేసే ప్రక్రియ కూడా చాలా క్లిష్టంగా ఉంటుంది. పాము విషాన్ని తీసిన తర్వాత దానిని శుద్ధి చేస్తారు. వేర్వేరు పాములకు వేర్వేరు విష నిరోధక మందులు తయారు చేస్తారు. ఎందుకంటే ప్రతి పాము విషంలో వేర్వేరు విషపూరిత అంశాలు ఉంటాయి. విష నిరోధక మందును తయారు చేయడానికి చాలా సమయం, డబ్బు ఖర్చు పడుతుంది. పాము కాటు వల్ల మరణాలను నివారించడమే (యాంటీవీనమ్)విష నిరోధక మందును తయారు చేయడం ప్రధాన ఉద్దేశ్యం.
ఏ పాము విషం అత్యంత ఖరీదైనది?
భారతీయ కోబ్రా, రస్సెల్ వైపర్, కింగ్ కోబ్రా విషం అత్యంత ఖరీదైనదిగా సమాచారం. కొన్ని నివేదికల ప్రకారం, అంతర్జాతీయ మార్కెట్లో మంచి నాణ్యత గల కోబ్రా విషం ధర గ్రాముకు 5 నుండి 10 వేల డాలర్లు. అంటే 4 నుండి 8 లక్షల రూపాయలు. కింగ్ కోబ్రా విషం ధర గ్రాముకు 10 వేల డాలర్లు. కింగ్ కోబ్రా విషంలో ‘జోహానిన్’ అనే ప్రోటీన్ ఉంటుంది. ఇది నొప్పిని తగ్గించడంలో సహాయపడుతుంది. అత్యంత విషపూరితమైన పాములలో ఒక గ్రాము ఎడారి డెత్ యాడర్ విషం ధర 3 వేల డాలర్లు. గోధుమ పాము విషం ధర 4 వేల డాలర్లు, పగడపు పాము విషం గ్రాముకు 4 వేల డాలర్లు.
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి..
