శరీరంలో ప్రోటీన్ లోపాన్ని ఎలా గుర్తించాలి..? తక్కువైతే ఏమౌతుంది..?
ప్రోటీన్ అనేది మన శరీరానికి అత్యంత అవసరమైన ముఖ్య పోషక పదార్థాలలో ఒకటి. ఇది కండరాల నిర్మాణం, హార్మోన్ల ఉత్పత్తి, శక్తి ఉత్పత్తి, ఎంజైమ్లు తయారీ వంటి అనేక కీలక శారీరక విధులలో ప్రధాన పాత్ర పోషిస్తుంది. మనం ప్రతిరోజూ తినే ఆహారంలో తగినంత ప్రోటీన్ లేకపోతే.. శరీరంలో అనేక రకాల సమస్యలు మొదలవుతాయి. వాటిని ముందుగా గుర్తించి సరైన ఆహారంతో తగిన జాగ్రత్తలు తీసుకోవడం చాలా అవసరం.
ప్రోటీన్ తక్కువగా ఉన్నప్పుడు శరీరం తక్షణ శక్తిని పొందలేకపోతుంది. దీంతో వ్యక్తి రోజంతా నీరసం, అలసటతో బాధపడతాడు. చిన్న పనులు చేసినా గానీ శరీరం బలహీనంగా అనిపిస్తుంది. ఇది దీర్ఘకాలంగా కొనసాగితే జీవనశైలి మీద ప్రభావం చూపుతుంది.
ప్రోటీన్ లోపం వల్ల మొదట కనిపించే సమస్యలలో జుట్టు రాలడం ఒకటి. ప్రోటీన్ జుట్టు ఆరోగ్యానికి అత్యంత అవసరం. తగినంత ప్రోటీన్ లేకపోతే జుట్టు రాలిపోవడం వంటి సమస్యలు తలెత్తుతాయి. అదే విధంగా చర్మం పొడిబారిపోవడం, సహజ కాంతి తగ్గిపోవడం జరుగుతుంది.
శరీరంలో ప్రోటీన్ తక్కువైతే గోళ్ళ ఆరోగ్యం కూడా దెబ్బతింటుంది. గోళ్ళు తొందరగా విరిగిపోవడం, పగిలిపోవడం మొదలవుతాయి. ముఖ్యంగా గోళ్ళ వృద్ధి మందగించడం, అలంకారాల సమయంలో అసౌకర్యం కలిగించే పరిస్థితులు ఎదురవుతాయి.
కండరాల నిర్మాణానికి ప్రోటీన్ అవసరం. దీని లోపం వల్ల కండరాలు బలహీనమవుతాయి. కండరాల దెబ్బతినడం, నొప్పులు రావడం, శరీర ఆకృతి మారడం వంటి సమస్యలు వస్తాయి. శారీరక శ్రమ చేసే వారికి ఇది తీవ్రమైన సమస్యగా మారుతుంది.
ప్రోటీన్ శరీర కణాల మరమ్మతుకు అవసరం. ఇది తక్కువగా ఉన్నప్పుడు గాయాలు త్వరగా మానవు. చిన్న గాయాలకైనా ఎక్కువ రోజులపాటు చికిత్స అవసరం అవుతుంది. ఇది రోగనిరోధక శక్తి బలహీనతకు సంకేతం.
ప్రోటీన్ తక్కువగా ఉండటం వల్ల శరీరానికి రోగనిరోధక శక్తి తగ్గుతుంది. ఫలితంగా వైరస్లు, బాక్టీరియా వంటి హానికర సూక్ష్మజీవుల్ని ఎదుర్కొనే శక్తి కూడా బలహీనమవుతుంది. తరచూ జలుబు, జ్వరం, అలర్జీలు వచ్చే అవకాశాలు పెరుగుతాయి.
ప్రోటీన్ లోపం నరమండల వ్యవస్థపైనా ప్రభావం చూపుతుంది. దీనివల్ల మానసిక స్థితి దెబ్బతిని, డిప్రెషన్, నిద్రలేమి, మనోవేదన వంటి సమస్యలు రావచ్చు. శరీర శక్తి తగ్గడమూ దీని ప్రధాన కారణాలలో ఒకటి.
ఈ విధంగా శరీరానికి ప్రోటీన్ తగిన మోతాదులో లభించకపోతే అనేక రకాల ఆరోగ్య సమస్యలు తలెత్తుతాయి. పైన పేర్కొన్న లక్షణాలు కనిపించినప్పుడు వాటిని చిన్నవిగా చూడకుండా వైద్య సలహా తీసుకుని సరైన ఆహారం తీసుకోవడం ఎంతో ముఖ్యం. ప్రోటీన్ కలిగిన ఆహార పదార్థాలు రోజువారీ డైట్లో చేర్చడం ద్వారా ఈ సమస్యలను దూరం చేయవచ్చు.