London: రొమ్ముక్యాన్సర్ బాధితులకు రెండున్నర గంటలు పట్టే చికిత్స ఐదు నిమిషాల్లోనే అంటున్న బ్రిటన్ వైద్యులు
ప్రస్తుతం మహిళలను వేధించే పెద్ద సమస్య రొమ్ము క్యాన్సర్. దీనితో బాధ పడేవారు కీమోథెరపీ లాంటి చికిత్స చేయించుకునే సమయంలో చాలా సమయం వేచి ఉండాల్సిన పరిస్థితి ఉంది.
London: ప్రస్తుతం మహిళలను వేధించే పెద్ద సమస్య రొమ్ము క్యాన్సర్. దీనితో బాధ పడేవారు కీమోథెరపీ లాంటి చికిత్స చేయించుకునే సమయంలో చాలా సమయం వేచి ఉండాల్సిన పరిస్థితి ఉంది. అయితే, బ్రిటన్ లో ఈ సమస్యను అధిగమించడం కోసం కొత్త విధానాన్ని కనుగొన్నారు.
రొమ్ముకేన్సర్ రోగులు ఎక్కువ సమయం వేచి ఉండకుండా ఉండేందుకు ఈ విధానం దోహదం పడుతుంది. రొమ్ము క్యాన్సర్ బాధితులకు పీహెచ్ ఈ ఎస్ జీ ఓ అనే చికిత్సా విధానాన్ని అందుబాటులోకి తీసుకువాచ్చారు అక్కడి వైద్యులు. దీనివలన కీమోథెరపీ కోసం ఎక్కువ సేపు ఉండాల్సిన అవసరం రాదు.
ఈ విధానంలో మందును ఇంజక్షన్ రూపంలో ఇస్తారు. ఈ ఇంజక్షన్ రెడీ చేయడానికి, బాధితులకు ఇవ్వడానికి కేవలం ఐదు నిమిషాల సమయం సరిపోతుంది. దీంతో రెండున్నర గంటల పాటు ఉండాల్సిన సమయం పూర్తిగా తగ్గిపోతుంది రొమ్ముక్యాన్సర్ బాధితులకు .
చికిత్సా సమయం తగ్గిపోవడంతో చాలా ప్రయోజనాలు ఉన్నాయంటున్నారు వైద్యులు. ఈ విధానం వలన ఎక్కువ మందికి వైద్యం అందించే అవకాశం కలుగుతుంది. అంతేకాకుండా రోగులు..వారితో వచ్చిన వారు ఎక్కువసేపు వేచి ఉండాల్సిన అవసరం లేకపోవడంతో కోవిడ్ సోకె ముప్పు చాలా వరకూ తగ్గిపోతుంది.
ఈ ‘పీహెచ్ఈఎస్జీఓ’ విధానంలో పెర్టుజుమాబ్, ట్రస్టుజుమాబ్ అనే ఇంజక్షన్ల మిశ్రమ ఉంటుంది. ‘హెచ్ఈఆర్2 పాజిటివ్’ రొమ్ము క్యాన్సర్ రోగుల్లో అర్హులైన వారికీ ఈ చికిత్స చేస్తారు. ఈ ఇంజక్షన్ ను కీమోథెరపీతో కలిపి లేదా విడిగా ఇవ్వొచ్చని సంబంధిత నిపుణులు చెబుతున్నారు. ఈ చికిత్స కోసం బ్రిటన్ నేషనల్ హెల్త్ సొసైటీ (ఎన్హెచ్ఎస్) సంస్థ రోష్ అనే మెడిసిన్ కంపెనీతో ఒప్పందం కుదుర్చుకుంది.
Also Read: Bad Breath: నోటి నుంచి దుర్వాసన వస్తుందా..! నిర్లక్ష్యం వద్దు.. ఇతర సమస్యలకు హెచ్చరిక కావొచ్చు
Liver Diet: లివర్ సమస్యలతో బాధపడుతున్నారా..! అయితే ఒక్క వారం రోజులు ఈ ఆహార నియమాలు పాటించండి..