Almonds: బాదం తినే అలవాటుందా..? రోజుకు ఎన్ని తింటే మంచిది.. ఎక్కువగా తీసుకుంటే ఏమవుతుంది..?

Almonds Benefits: పోషకాల నిధి బాదం.. అందుకే బాదం ఆరోగ్యానికి చాలా ఉపయోగకరంగా పరిగణిస్తారు. బాదంపప్పును ప్రతిరోజూ చాలా మంది తింటారు. బాదంలో ప్రోటీన్, ఆరోగ్యకరమైన కొవ్వులు, ఫైబర్, విటమిన్లు, మినరల్స్ పుష్కలంగా ఉంటాయి. ప్రతిరోజూ బాదంపప్పును తినడం వల్ల గుండె ఆరోగ్యంగా ఉంటుంది. ఇది రక్తపోటును నియంత్రించడంలో సహాయపడుతుంది. ఇంకా రోగనిరోధక శక్తిని బలోపేతం చేయడం ద్వారా శరీరాన్ని వివిధ వ్యాధుల నుంచి రక్షిస్తుంది. పిల్లల మెదడు అభివృద్ధికి కూడా బాదం బాగా ఉపయోగపడుతుంది. అయితే, బాదంపప్పును ఎక్కువగా తీసుకోవడం అలవాటు చేసుకోవడం ఆరోగ్యానికి మంచిది కాదని వైద్య నిపుణులు హెచ్చరిస్తున్నారు. కావున బాదంపప్పును రోజుకు ఎంత తినాలి..? బాదం తినడానికి సరైన సమయం ఏది..? అనే విషయాలను ఇప్పుడు తెలుసుకుందాం..

ఒక రోజులో ఎన్ని బాదం పప్పులు తినాలి?

వైద్య నిపుణుల అభిప్రాయం ప్రకారం.. ఒక వ్యక్తి రోజుకు 30 నుంచి 50 గ్రాముల బాదం తినాలి. అంటే ఒక పిడికెడు లేదా 8 నుంచి 10 బాదం పప్పులు తింటే సరిపోతుంది. 4 సంవత్సరాల కంటే ఎక్కువ వయస్సు ఉన్న పిల్లలకు రోజుకు 3 నుండి 4 బాదంపప్పులు తినిపించవచ్చు. ముఖ్యంగా నానబెట్టిన బాదంపప్పులను తింటే మరిన్ని ప్రయోజనాలు పొందవచ్చు. 50 గ్రాముల బాదంపప్పులో దాదాపు 300 గ్రాముల కేలరీలు ఉంటాయి. ఇందులో 150 గ్రాముల కార్బోహైడ్రేట్, 12 గ్రాముల ఆరోగ్యకరమైన కొవ్వు, 6 గ్రాముల ప్రోటీన్ ఉంటాయి.

బాదం తినడానికి సరైన సమయం..

మీరు ఎప్పుడైనా బాదం తినవచ్చు. కానీ దాని పూర్తి ప్రయోజనాలను పొందాలంటే, ఉదయాన్నే ఖాళీ కడుపుతో బాదంపప్పును తినడం మంచిది. బాదంపప్పులు కొద్దిగా వేడి ప్రభావాన్ని కలిగి ఉంటాయి. కాబట్టి రాత్రంతా నీటిలో నానబెట్టి మరుసటి రోజు ఉదయం తినడం మంచిది.

బాదం ఎక్కువగా తీసుకోవడం వల్ల కలిగే దుష్ప్రభావాలు..

కిడ్నీ స్టోన్: బాదంలో ప్రోటీన్లు, ఆరోగ్యకరమైన కొవ్వులు, ఫైబర్, విటమిన్లు మొదలైన పోషకాలు పుష్కలంగా ఉంటాయి. ఇది ఆరోగ్యానికి ఎంతో మేలు చేస్తుంది. అదనంగా, బాదంలో ఆక్సలేట్ అనే సమ్మేళనం ఉంటుంది. ఇది మూత్రపిండాల్లో రాళ్ల ప్రమాదాన్ని పెంచుతుంది. ఈ కారణంగా, బాదంను ఎక్కువ మొత్తంలో తీసుకోవడం వల్ల శరీరంలో ఆక్సలేట్ పరిమాణం పెరుగుతుంది. ఇది మూత్రపిండాలలో పేరుకుపోతుంది. దీనివల్ల మూత్రపిండాల్లో రాళ్లు ఏర్పడటానికి దారితీస్తుంది.

జీర్ణ సమస్యలు: బాదంపప్పు తినడం వల్ల అనేక ఆరోగ్య ప్రయోజనాలు ఉన్నాయి. కానీ వాటి అధిక వినియోగం జీర్ణవ్యవస్థకు హానికరం. బాదంపప్పులో పీచు ఎక్కువగా ఉంటుంది. పీచుపదార్థాలు ఎక్కువగా తీసుకోవడం వల్ల గ్యాస్, కడుపునొప్పి, అజీర్ణం వంటి కడుపు సంబంధిత వ్యాధులు వస్తాయి. అలాగే బాదంలోని ఆక్సలేట్ కంటెంట్ జీర్ణవ్యవస్థపై ప్రతికూల ప్రభావాన్ని చూపుతుంది.

ఊబకాయానికి కారణం కావచ్చు: బాదంలో కొవ్వు, కేలరీలు అధికంగా ఉంటాయి. ఎందుకంటే బాదంపప్పును ఎక్కువగా తీసుకుంటే క్యాలరీలు తీసుకోవడం గణనీయంగా పెరుగుతుంది. క్యాలరీలు తీసుకోవడం వల్ల శరీర బరువు కూడా పెరుగుతుంది. కాబట్టి బాదం పప్పును పరిమిత పరిమాణంలో తీసుకోవాలి.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..