Honey in Summer: వేసవిలో తేనె తినవచ్చా? కచ్చితంగా తెలుసుకోవాల్సిందే
వేసవిలో శరీరంలో వేడి పెరిగే అవకాశం ఉంటుంది, కాబట్టి చలవ చేసే ఆహారాలను తీసుకోవాలని ఆయుర్వేదం సూచిస్తుంది. అయితే, తేనెను వేసవిలో తీసుకోవచ్చా లేదా అన్న విషయంలో చాలా మందికి సందేహాలు ఉంటాయి. తేనె వేడిని కలిగించే గుణం కలిగి ఉంటుంది, కాబట్టి దీనిని నేరుగా తీసుకోకుండా, సరైన పద్ధతుల్లో తీసుకుంటేనే వేసవిలో కూడా ప్రయోజనాలను పొందవచ్చు.
ఆయుర్వేదంలో తేనెకు చాలా ప్రాముఖ్యత ఉంది. అంటే ఇది ఏ ఇతర పదార్థంతో కలిపితే ఆ పదార్థం గుణాలను మెరుగుపరుస్తుంది. సాధారణంగా తేనెకు వేడి చేసే గుణం ఉంటుంది. కాబట్టి వేసవి కాలంలో దీనిని నేరుగా స్పూన్తో తినడం వల్ల శరీరంలో వేడి పెరిగి ఒళ్ళు మంటలు వంటి సమస్యలు రావచ్చు. అయితే, దీనిని చల్లదనాన్నిచ్చే ఇతర ఆహారాలతో కలిపి తీసుకోవడం వల్ల వేసవిలో కూడా తేనెను సురక్షితంగా ఉపయోగించవచ్చు.
వేసవిలో తేనెను నేరుగా తీసుకోవడం వల్ల కలిగే నష్టాలు
తేనెను ఎటువంటి ఇతర పదార్థాలతో కలపకుండా నేరుగా తీసుకోవడం వల్ల శరీరంలో పిత్త దోషం పెరుగుతుంది. వేసవిలో ఇప్పటికే బయట వేడి ఎక్కువగా ఉంటుంది. దానికి తోడు తేనె వేడిని జత చేస్తే ఒళ్ళు మండటం, అసౌకర్యం కండరాల నొప్పులు వంటివి వచ్చే అవకాశం ఉంటుంది. అందుకే, వేసవిలో తేనెను నేరుగా తినడం మానుకోవాలని ఆయుర్వేద నిపుణులు హెచ్చరిస్తున్నారు.
తేనెను తీసుకునే సరైన పద్ధతులు
నిమ్మరసం మట్టి కుండ నీరు: ఒక గ్లాసు మట్టి కుండలోని చల్లని నీటిలో కొద్దిగా నిమ్మరసం, ఒక స్పూన్ తేనె కలిపి ఉదయం పరగడుపున తాగండి. ఇది శరీరాన్ని లోపల నుండి చల్లబరచడమే కాకుండా, బరువును అదుపులో ఉంచడానికి సహాయపడుతుంది.
సత్తు (Sattu)తో కలిపి: సత్తులో చక్కెర బదులుగా తేనెను కలిపి తీసుకోవడం వేసవికి చాలా మంచిది. ఇది శరీరానికి తక్షణ శక్తిని ఇస్తుంది, అలసటను తగ్గిస్తుంది వేసవిలో శరీరాన్ని తేమగా (Hydrated) ఉంచుతుంది.
పెరుగుతో కలిపి: మధ్యాహ్నం భోజనంతో పాటు కొద్దిగా పెరుగులో తేనెను కలిపి తీసుకోవడం చాలా ప్రయోజనకరం. ఇది జీర్ణక్రియను మెరుగుపరుస్తుంది వడదెబ్బ తగలకుండా రక్షణ కల్పిస్తుంది.
ఆయుర్వేదంలో తేనె, నెయ్యిని సమాన పరిమాణంలో కలిపి తీసుకోవడం విరుద్ధ ఆహారం(Incompatible food) అని చెబుతారు. ఇది శరీరంలోని వాత పిత్త దోషాలను దెబ్బతీసి, అనవసరమైన వేడిని పెంచుతుంది. కాబట్టి, వేసవిలో నెయ్యి తేనె కలిపి తీసుకోవడం అస్సలు చేయకూడదు.
గమనిక:
ఈ సమాచారం ఆయుర్వేద నిపుణుల సూచనలు సాంప్రదాయ పద్ధతుల ఆధారంగా రూపొందించబడింది. ఇది కేవలం అవగాహన కోసం మాత్రమే. మీకు ఏదైనా దీర్ఘకాలిక ఆరోగ్య సమస్యలు ఉంటే, మీ ఆహారపు అలవాట్లలో మార్పులు చేసే ముందు వైద్యుని సంప్రదించడం ఉత్తమం.