Diabetes: మీకు చక్కెర వ్యాధి ఉందా.. వ్యాయామాలు చేస్తున్నారా? అయితే.. ఈ విషయాన్ని గమనించండి లేకుంటే ప్రమాదమే!
మధుమేహం.. ఇప్పుడు చాలామందిని వేధిస్తున్న వ్యాధి. ఎక్కువ శాతం మంది ప్రజల్లో ఈ మధుమేహం వాడుక భాషలో షుగర్ ఒక పెద్ద ఇబ్బందిగా మారిపోయింది. డయాబెటీస్ తగ్గించుకోవాలని చాలా ప్రయత్నాలు చేస్తూ ఉంటారు.
Diabetes: మధుమేహం.. ఇప్పుడు చాలామందిని వేధిస్తున్న వ్యాధి. ఎక్కువ శాతం మంది ప్రజల్లో ఈ మధుమేహం వాడుక భాషలో షుగర్ ఒక పెద్ద ఇబ్బందిగా మారిపోయింది. డయాబెటీస్ తగ్గించుకోవాలని చాలా ప్రయత్నాలు చేస్తూ ఉంటారు. ఒకపక్క మందులు.. మరోపక్క ఆహార నియమాలు పాటించడం.. ఒకవైపు మధుమేహంతో వచ్చే సైడ్ ఎఫెక్ట్స్ తగ్గించుకోవడానికి పడే పాట్లు అన్నీ ఇన్నీ ఉండవు. పరిశోధకులు కూడా డయాబెటిస్ నివారణ లేదా నియంత్రణ కోసం ఏమి చేయొచ్చు అనేదానిపై విస్తృత పరిశోధనలు చేస్తుంటారు. వాటి ఫలితాలను ఎప్పటికప్పుడు బయటపెడుతుంటారు. అటువంటి తాజా పరిశోధనా ఫలితం ఒకటి బయటకు వచ్చింది.
మధుమేహ వ్యాధిగ్రస్తులు హైకింగ్ లేదా స్కీయింగ్ వంటి ఎత్తైన ప్రదేశాలలో కార్యకలాపాలు చేస్తున్నప్పుడు వారి రక్తంలో చక్కెరస్థాయిపై కూడా ఒక కన్నేసి ఉంచాలని ఒక అధ్యయనం వెల్లడించింది. ఈ ఫలితాలు సొసైటీ జర్నల్ ఆఫ్ క్లినికల్ ఎండోక్రినాలజీ అండ్ మెటబాలిజంలో ప్రచురించారు. అనేక ప్రయోజనాలను కలిగి ఉన్నందున వైద్యులు తరచుగా మధుమేహం ఉన్నవారికి వ్యాయామాన్ని సిఫార్సు చేస్తారు. ఇది గుండె ఆరోగ్యం, ఇన్సులిన్ సెన్సిటివిటీ మరియు జీవన నాణ్యతను మెరుగుపరుస్తుంది. అయినప్పటికీ, వ్యాయామం చేసే సమయంలో అలాగే, తర్వాత మధుమేహం ఉన్నవారిలో హైపోగ్లైసీమియా (ప్రమాదకరంగా తక్కువ రక్తంలో చక్కెర) కూడా కారణమవుతుంది. ఒక వ్యక్తి రక్తంలో చక్కెర స్థాయిలు నిజంగా తక్కువకు పడిపోతే, వారు మూర్ఛపోవచ్చు. లేదా అపస్మారక స్థితికి చేరుకోవచ్చు.. ఒక్కోసారి మరణమూ సంభవించవచ్చు. కాబట్టి ఇటువంటి పరిస్థితి వచ్చినపుడు త్వరిత చర్యలు అవసరం.
“ఎక్కువ ఎత్తులో ఉన్న కొద్దిసేపటి తర్వాత చేసే వ్యాయామం కారణంగా -మధ్యవర్తిత్వ హైపోగ్లైసీమియా ప్రమాడం పెంచుతుందని ఈ పరిశోధనలు సూచిస్తున్నాయి” అని పరిశోధనలో పాలుపంచుకున్న ఆస్ట్రేలియాలోని క్రాలీలోని వెస్ట్రన్ ఆస్ట్రేలియా విశ్వవిద్యాలయానికి చెందిన పరిశోధకుడు కోరి డుగన్ అన్నారు. “ఎటువంటి అలవాటు లేకుండా పర్వతాల వంటి తక్కువ నుండి ఎత్తైన ప్రాంతాలకు ప్రయాణించేటప్పుడు టైప్ 1 డయాబెటిస్ ఉన్న వ్యక్తుల భద్రతను పెంచడానికి ఇచ్చే మార్గదర్శకాల్లో ఈ ఫలితాలను పరిగణనలోకి తీసుకోవాలని మేము కోరుతున్నాము.” అని ఆయన చెప్పారు.
పరిశోధకులు టైప్ 1 డయాబెటిస్‌తో బాధపడుతున్న ఏడుగురిని అధ్యయనం చేశారు. సముద్ర మట్టం, అధిక-ఎత్తు పరిస్థితులను అనుకరించే రెండు ఇండోర్ సైక్లింగ్ సెషన్‌లకు ముందు, వ్యాయామాలు చేస్తున్న సమయంలోనూ, ఆ తరువాత వారి రక్తంలో చక్కెర స్థాయిలను కొలిచారు. 4200 మీటర్ల (ఎవరెస్ట్ పర్వతం యొక్క సగం ఎత్తు) వద్ద ఒక గంట వ్యాయామం తర్వాత.. రిలాక్స్ అయ్యే సమయంలో, రక్తంలో చక్కెర స్థాయిలు గణనీయంగా తగ్గాయి. అధిక ఎత్తులో వ్యాయామం చేయడం వల్ల టైప్ 1 మధుమేహం ఉన్న వ్యక్తులలో హైపోగ్లైసీమియా ప్రమాదాన్ని పెంచవచ్చని ఈ పరిశోధనలు సూచిస్తున్నాయి.
అధ్యయనంలో షేన్ మలోనీ, క్రిస్టినా అబ్రమోఫ్, వెస్ట్రన్ ఆస్ట్రేలియా విశ్వవిద్యాలయానికి చెందిన సోహన్ పనాగ్; పశ్చిమ ఆస్ట్రేలియాలోని నెడ్‌లాండ్స్‌లోని టెలిథాన్ కిడ్స్ ఇన్‌స్టిట్యూట్‌కి చెందిన ఎలిజబెత్ డేవిస్.. తిమోతీ జోన్స్.. యూనివర్శిటీ ఆఫ్ వెస్ట్రన్ ఆస్ట్రేలియా.. టెలిథాన్ కిడ్స్ ఇన్‌స్టిట్యూట్‌కు చెందిన పాల్ ఫోర్నియర్ పాల్గొన్నారు.
ఇవి కూడా చదవండి: Maoist vs Police: మావోయిస్టులపై పోలీసులు ప్రతీకారం తీర్చుకున్నారా? ఆ హత్యకు, ఎన్‌కౌంటర్‌కు సంబంధం ఉందా?
Harassment: రెచ్చిపోయిన కీచకులు.. 15 ఏళ్ల బాలికను వేరు వేరు ప్రాంతాలు తిప్పుతూ..
Viral Video: కళ్లను మాయ చేస్తున్న తొమ్మిదో వింత.. అచ్చం చెక్క ముక్కలా..