ఈ సమస్యలు ఉన్న వారికి కొబ్బరి నీరు విషంతో సమానం తెలుసా..? జాగ్రత్త మరి..

కొబ్బరి నీరు ఆరోగ్యానికి అమృతం లాటింది.. ఇది శరీరానికి ఎంతో మేలు చేస్తుంది. అందుకే కొబ్బరి నీటిని తాగాలని వైద్య నిపుణులు చెబుతుంటారు.. అయితే.. కొన్ని ఆరోగ్య సమస్యలను ఎదుర్కొంటున్నట్లయితే, కొబ్బరి నీళ్లు తాగడం వల్ల మీ సమస్యలను మరింత పెరిగే అవకాశం ఉందని.. వైద్య నిపుణులు హెచ్చరిస్తున్నారు. వాస్తవానికి, కొబ్బరి నీళ్లలో ఎన్నో పోషకాలు ఉన్నాయని, ఆరోగ్యానికి ఎంతో మేలు చేస్తుందనడంలో ఎలాంటి సందేహం లేదు. కొబ్బరినీరు డీహైడ్రేషన్ బారి నుంచి కాపాడుతుంది. శరీరానికి తక్షణ శక్తినిస్తుంది. అంతేకాకుండా.. వేడి నుంచి ఉపశమనాన్ని కలిగిస్తుంది.

అయితే, కొబ్బరి నీటిని తాగే ముందు, ఇది మీ శరీరానికి ఆరోగ్యకరమా కాదా అని నిర్ధారించుకోడం మంచిదని సూచిస్తున్నారు.. అవును, కొబ్బరి నీళ్ళు త్రాగడం అందరికీ ప్రభావంతంగా ఉండదు. మీరు ఈ 5 ఆరోగ్య సమస్యలను ఎదుర్కొంటున్నట్లయితే.. ముఖ్యంగా కొబ్బరి నీరు తాగడం మానుకోండి. లేదంటే మీ ఆరోగ్యం మరింత దిగజారే అవకాశం ఉందని పేర్కొంటున్నారు వై్య నిపుణులు..

ఎలాంటి సమస్యలు ఉన్న వారు కొబ్బరి నీరు తాగకూడదో ఇప్పుడు తెలుసుకోండి..

1. మూత్రపిండాల వ్యాధి: కొబ్బరి నీళ్లలో పొటాషియం ఎక్కువగా ఉంటుంది. అటువంటి పరిస్థితిలో, కిడ్నీ సమస్యలు ఉన్నవారికి లేదా పొటాషియం తగ్గించే మందులు వాడుతున్న వారికి కొబ్బరినీళ్లు తాగడం హానికరం.
2. రక్తపోటు: మీరు బీపీ పేషెంట్ అయితే వైద్యులను సంప్రదించకుండా కొబ్బరినీళ్లు తాగకండి. వాస్తవానికి, ఇందులో అధిక మొత్తంలో పొటాషియం ఉంటుంది. దీని కారణంగా రక్తపోటు స్థాయి క్షీణించే ప్రమాదం పెరుగుతుంది.
3. మధుమేహం: కొబ్బరిలో సహజ చక్కెర ఉంటుంది. దీని కారణంగా డయాబెటిక్ రోగులు చాలా పరిమిత పరిమాణంలో కొబ్బరి నీరు తాగాలని మధుమేహ నిపుణులు సూచిస్తుంటారు. లేదంటే రక్తంలో చక్కెర శాతం పెరిగే ప్రమాదం ఉంది.
4. జీర్ణ సమస్యలు: కొబ్బరి నీళ్ళు తాగిన తర్వాత చాలా మంది కడుపు తిమ్మిరి లేదా అతిసారం వంటి సమస్యలను ఎదుర్కొంటారు. మీ జీర్ణవ్యవస్థలో ఏమైనా సమస్యలుంటే, పరిమిత పరిమాణంలో మాత్రమే కొబ్బరి నీటిని తీసుకోవాలి.
5. బరువు పెరిగే ప్రమాదం: కొబ్బరి నీరు ఆరోగ్యానికి మంచిదిగా పరిగణించబడుతున్నప్పటికీ, కొన్ని సందర్భాల్లో దాని క్యాలరీ కంటెంట్ ఎక్కువగా ఉంటుంది. అటువంటి పరిస్థితిలో, మీరు బరువు తగ్గాలని ప్రయత్నిస్తున్నట్లయితే దానిని క్రమం తప్పకుండా తాగడం మానుకోండి.. దీనివల్ల మీ బరువు తగ్గించే ప్రయాణాన్ని సులభతరం చేయవచ్చు.

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..

(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే నిపుణులను సంప్రదించాలని సూచిస్తున్నాము.)