30 రోజుల్లో పొట్ట కొవ్వుకు చెక్.. ఈ మ్యాజిక్ డ్రింక్ తాగితే జిమ్‌కు వెళ్లకుండానే బరువు తగ్గడం ఖాయం!

మన శరీరంలో పేరుకుపోయిన వ్యర్థాలను, విషతుల్యాలను ఎప్పటికప్పుడు బయటకు పంపడం కూడా అంతే ముఖ్యం. శరీరాన్ని లోపల నుంచి శుభ్రం చేయకపోతే మీరు ఎంత కష్టపడినా వెయిట్ లాస్ అనేది చాలా నెమ్మదిగా జరుగుతుంది. ఇక్కడే మనకు ‘డిటాక్స్ డ్రింక్’ ఎంతో సహాయపడుతుంది. మన ఇంట్లో దొరికే సాదాసీదా పదార్థాలతోనే పొట్ట చుట్టూ ఉన్న కొవ్వును కరిగించి, ఆకలిని నియంత్రించే శక్తివంతమైన పానీయం ఎలా తయారు చేసుకోవాలో తెలుసుకుందాం..

బరువు తగ్గడంలో మెటబాలిజం (జీవక్రియ) పాత్ర చాలా కీలకం. ఈ డిటాక్స్ డ్రింక్ కోసం ఒక గ్లాస్ బాటిల్‌లో రెండు స్పూన్ల స్వచ్ఛమైన తేనె, అర నిమ్మకాయ రసం తీసుకోవాలి. తేనె మన శరీరానికి తక్షణ శక్తిని ఇస్తే, నిమ్మకాయలోని సి విటమిన్ కొవ్వును కరిగించడంలో అద్భుతంగా పనిచేస్తుంది. ఈ రెండింటి కలయిక వల్ల శరీరంలోని మెటబాలిజం రేటు పెరుగుతుంది. అంటే మీరు విశ్రాంతి తీసుకుంటున్న సమయంలో కూడా క్యాలరీలు ఖర్చయ్యేలా ఈ పానీయం ప్రోత్సహిస్తుంది.

ఆకలిని నియంత్రించి..

ఈ డ్రింక్‌లో మరో ముఖ్యమైన పదార్థం ‘చియా విత్తనాలు’. ముందుగా నానబెట్టిన ఒక స్పూన్ చియా విత్తనాలను ఈ పానీయంలో కలుపుకోవాలి. వీటిలో ఫైబర్ (పీచు పదార్థం) పుష్కలంగా ఉండటం వల్ల వీటిని తీసుకున్న తర్వాత పొట్ట నిండిన భావన కలుగుతుంది. దీనివల్ల అనవసరమైన సమయంలో ఆకలి వేయదు, తద్వారా మీరు జంక్ ఫుడ్ లేదా అధిక క్యాలరీలు ఉన్న ఆహారం తీసుకోకుండా ఉంటారు. బరువు తగ్గాలనుకునే వారికి అతిగా తినడం తగ్గించడమే అతిపెద్ద సవాలు.. ఆ సవాలును చియా విత్తనాలు సులభంగా అధిగమిస్తాయి.

తీసుకోవాల్సిన జాగ్రత్తలు..

పైన చెప్పుకున్న పదార్థాలన్నింటినీ ఒక గ్లాస్ బాటిల్‌లో వేసుకుని, అందులో కొద్దిగా పుదీనా ఆకులు లేదా పుదీనా నీళ్లు పోసుకోవాలి. పుదీనా జీర్ణక్రియను మెరుగుపరుస్తుంది. ఈ డ్రింక్‌ను తయారు చేసుకున్న వెంటనే తాగకూడదు. కనీసం ఒక గంట పాటు అలాగే ఉంచాలి. అప్పుడే అందులోని పోషకాలన్నీ నీటిలోకి చేరుతాయి. ప్రతిరోజూ ఉదయాన్నే పరగడుపున ఈ డ్రింక్ తాగడం వల్ల ఫలితాలు ఇంకా వేగంగా ఉంటాయి. క్రమం తప్పకుండా 30 రోజుల పాటు ఈ డిటాక్స్ డ్రింక్ తీసుకుంటే మీ శరీరంలో స్పష్టమైన మార్పులను గమనించవచ్చు.

ముఖ్యంగా పొట్ట భాగంలో పేరుకుపోయిన మొండి కొవ్వు కరగడం మొదలవుతుంది. ఆకలి మీ నియంత్రణలోకి వస్తుంది. శరీరం లోపల నుంచి శుభ్రపడటం వల్ల చర్మం కూడా కాంతివంతంగా మారుతుంది. అలసట తగ్గి రోజంతా ఉత్సాహంగా ఉంటారు. బరువు తగ్గడం అనేది ఒక నిరంతర ప్రక్రియ. ఇలాంటి డిటాక్స్ డ్రింక్స్‌ను మీ జీవనశైలిలో భాగం చేసుకోవడం వల్ల ఆరోగ్యకరమైన రీతిలో ఫిట్‌నెస్‌ను సాధించవచ్చు. అయితే దీనితో పాటు తగినంత నీరు తాగడం, నూనె పదార్థాలకు దూరంగా ఉండటం కూడా ముఖ్యమే.