Rowan Berry: క్యాన్సర్, కిడ్నీలను శుభ్రపరిచే రోవాన్ బెర్రీ.. ఆరోగ్య ప్రయోజనాలు ఎన్నో..

Rowan Berry: రోవాన్ బెర్రీ.. దీనిని కలప కోసం ఎక్కువగా ఉపయోగించే మొక్క. ఆపిల్ కుటుంబానికి చెందింది. దీనిని రోవాన్ ట్రీ, టాక్సా రోవాన్‌బెర్రీ అని కూడా పిలుస్తారు..

Rowan Berry Benefits

Surya Kala |
Updated on: Feb 21, 2022 | 11:47 AM

Rowan Berry: రోవాన్ బెర్రీ.. దీనిని కలప కోసం ఎక్కువగా ఉపయోగించే మొక్క. ఆపిల్ కుటుంబానికి చెందింది. దీనిని రోవాన్ ట్రీ, టాక్సా రోవాన్‌బెర్రీ అని కూడా పిలుస్తారు. ఈ రోవాన్ బెర్రీ ఇచ్చే ఆరోగ్యప్రయోజనాలు ఎన్నో.. ముఖ్యంగా శీతాకాలంలో తినదగిన పండు అని పోషకాహార నిపుణులు చెబుతున్నారు. ముఖ్యంగా రోవాన్ బెర్రీస్ లు రోగనిరోధక వ్యవస్థను పెంచడం, శ్వాసకోశ వ్యవస్థను బలోపేతం చేయడం, జీర్ణక్రియను మెరుగుపరచడం , క్యాన్సర్, వివిధ బాక్టీరియల్ ఇన్ఫెక్షన్ల ప్రమాదాన్ని తగ్గించడం వంటి వాటి సామర్థ్యాన్ని కలిగి ఉన్నాయి.

రోవాన్ పండ్లలో విటమిన్ సి, విటమిన్ ఇ, సోర్బిక్ ఆమ్లం, డైటరీ ఫైబర్ అధిక మొత్తంలో ఉన్నాయి. ఈ రోవాన్ పండ్లలో ఆంథోసైనిన్స్, టానిన్లు, పాలీఫెనోలిక్ సమ్మేళనాలు, వివిధ రకాల క్వెర్సెటిన్ (క్వెర్సెటిన్, రొటీన్ (విటమిన్ పి 1) కలిగిన ఫ్లేవానాల్ కూడా ఉన్నాయి.
క్యాన్సర్‌తో పోరాడుతుంది: రోవాన్ పండు ఇది యాంటీఆక్సిడెంట్ నిర్మాణాన్ని కలిగి ఉంటుంది. కనుక ఇది క్యాన్సర్ కణాలతో కూడా పోరాడుతుంది. క్యాన్సర్ నుండి రక్షణ ఇస్తుంది. అంతేకాదు క్యాన్సర్ కణాల పెరుగుదలను నిరోధిస్తుంది.
ప్రేగులను శుభ్రపరుస్తుంది: పండుపై ఇటీవలి చేసిన పరిశోధనల్లో.. ఈ పండులో టానిన్ .. అంటే గుండెపోటును నివారించే, శరీర నిరోధకతను పెంచే పదార్థాలు ఉన్నాయని తేలింది.
కంటికి రక్షణ: ఈ పండులో రోవాన్ కెరోటిన్ ve గ్లాకోమా ఉంది. దీంతో రోవాన్ బెర్రీ కంటి చూపును రక్షిస్తుంది. కంటి చూపుని మెరుగుపరుస్తుంది . కంటి ఒత్తిడి కలగకుండా చేస్తుంది.

జలుబును నివారిస్తుంది: ఈ పండులో అధికంగా సీ విటమిన్ ఉండడంతో.. శీతాకాలంలో వచ్చే జలబు వంటి సీజనల్ వ్యాధుల నుంచి రక్షణ ఇస్తుంది. శరీరంలోని రోగనిరోధక శక్తిని బలోపేతం చేస్తుంది.
చర్మానికి రక్షణ: ఈ పండులో లభించే కొన్ని యాంటీ ఆక్సిడెంట్లు సోర్బిక్ ఆమ్లం, ఆస్కార్బిక్ ఆమ్లం చర్మ ఆరోగ్యం రక్షించడానికి మంచి సహాయకారిగా పనిచేస్తాయి.
జీర్ణవ్యవస్థను బలోపేతం చేస్తుంది: రోవాన్ పండులో ఫైబర్‌ అధికంగా ఉంది. జీర్ణవ్యవస్థ సక్రమంగా పనిచేసేలా చేస్తుంది. అజీర్ణం, ఉబ్బరం, గ్యాస్టిక్ ట్రబుల్ వంటి అనారోగ్య సమస్యలకు వ్యతిరేకంగా పోరాడుతుంది.
మహిళల్లో ఋతు సంబంధ వ్యాధులకు: రోవాన్ పండు మరో ప్రయోజనం ఏమిటంటే ఇది మహిళల్లో ఋతుస్రావం సమయంలో వచ్ఛే నొప్పి నుండి ఉపశమనం ఇస్తుంది. రోవాన్ పండు తీసుకుంటే నొప్పి నుండి ఉపశమనం లభిస్తుంది.
కిడ్నీ ఆరోగ్యానికి మంచి సహాయకారి: రోవాన్ పండు మూత్ర మార్గానికి శుభ్రపరుస్తుంది. పిత్తాశయ రాళ్ళు, మంటను నుంచి ఉపశమనం ఇస్తుంది. మూత్రపిండాలలోని ఇసుక, రాయి, మంట సమస్యలను నివారిస్తుంది. అంతేకాదు మూత్రపిండాలు ఆరోగ్యంగా ఉండేలా చేస్తుంది.
ఈ రోవాన్ చెట్టు బెరడు, ఆకులు, పండ్లతో సహా మొత్తం పొద లేదా చెట్టు మంచి ఉపయోగకారి. అయితే ఈ పండు కొంత మంది శరీర తత్వానికి విషపూరితంగా మారవచ్చు. కనుక ఈ పండ్లను ఎక్కువ కాలం నిల్వ చేసి తింటే.. మంచిదని పోషకార నిపుణులు పేర్కొంటున్నారు.

Note: (ఈ ఆర్టికల్‌లో మేము సాధారణ పాఠకుని ఆసక్తిని అనుసరించి, సలహాతో కూడిన సాధారణ సమాచారాన్ని మాత్రమే అందిస్తున్నాము. ఇది అర్హత కలిగిన వైద్య అభిప్రాయానికి ఏ విధంగానూ ప్రత్యామ్నాయం కాదు. మరిన్ని వివరాల కోసం ఎల్లప్పుడూ నిపుణుడిని లేదా మీ వైద్యుడిని సంప్రదించాల్సి ఉంటుంది..)