రానా-మిహీకాల పెళ్లి ఎక్కడంటే..!

రానా దగ్గుబాటి-మిహీకా బజాజ్‌ల వివాహాం ఫిక్స్‌ చేసిన విషయం తెలిసిందే. ఆగష్టు 8న ఈ ఇద్దరి పెళ్లికి ముహూర్తం ఖరారు చేసినట్లు ఆ మధ్యన వార్తలు వచ్చాయి. ఇక తాజా సమాచారం ప్రకారం ఈ ఇద్దరి వివాహ వేడుకకు వేదికను ఫైనల్ చేసినట్లు తెలుస్తోంది. హైదరాబాద్‌లో లగ్జరీ హోటల్‌గా చెప్పుకునే తాజ్ ఫలక్‌నుమాలో ఈ ఇద్దరి పెళ్లి గ్రాండ్‌గా జరగబోతున్నట్లు సమాచారం. అయితే నానక్‌రామ్ గూడలోని రామానాయుడు స్టూడియోలో ఈ వేడుకను జరిపించాలని అనుకున్నప్పటికీ.. ఆ తరువాత ఫలక్‌నుమాకు వేదిక మారిపోయినట్లు టాక్‌. కాగా కరోనా నేపథ్యంలో ప్రభుత్వ నిబంధనలకు అనుగుణంగా ఈ పెళ్లి ఉండబోతున్నట్లు కూడా తెలుస్తోంది. మరి ఇందులో నిజమెంతో తెలియాలంటే అధికారిక ప్రకటన రావాల్సిందే. కాగా వెంకటేష్ పెద్ద కుమార్తె అశ్రిత స్నేహితురాలైన మిహీకాను రానా ప్రేమించి, పెళ్లి చేసుకోబోతున్న విషయం తెలిసిందే.

Read This Story Also: జీవితానికి సరిపోయే అనుభవాన్ని ఇచ్చావు: సుశాంత్‌కి భూమి నివాళి