‘వెంకీ మామ’ రిలీజ్ డేట్ కన్ఫర్మ్..?

విక్టరీ వెంకటేష్, అక్కినేని నాగ చైతన్య ప్రధాన పాత్రల్లో తెరకెక్కుతున్న చిత్రం ‘వెంకీ మామ’. ఈ సినిమా షూటింగ్ దాదాపు చివరిదశకు చేరుకోగా.. పోస్ట్ ప్రొడక్షన్ వర్క్ శరవేగంగా జరుగుతోంది. తాజా సమాచారం ప్రకారం ఈ సినిమాని సెప్టెంబర్ 13న విడుదల చేసేందుకు సన్నాహలు చేస్తున్నారట చిత్ర యూనిట్. అయితే దీనిపై అధికారిక ప్రకటన వెలువడాల్సి ఉంది.

మిలిటరీ బ్యాక్‌డ్రాప్‌తో రూపుదిద్దుకుంటున్న ఈ చిత్రంలో పాయల్ రాజ్‌పుత్, రాశి ఖన్నా హీరోయిన్లుగా నటిస్తున్నారు. కాగా కె.ఎస్ రవీంద్ర డైరెక్షన్ చేస్తున్న ఈ చిత్రాన్ని సురేష్ ప్రొడక్షన్స్ బ్యానర్ నిర్మిస్తోంది. ఇక ఈ సినిమా గురించి పూర్తి వివరాలు త్వరలోనే వెల్లడించనుంది చిత్ర బృందం.