చంద్రబాబు చేసిన వ్యాఖ్యలపై పోల్ నిర్వహించిన వర్మ

విశ్వవిఖ్యాత నట సార్వభౌముడు ఎన్టీఆర్ జీవితాధారంగా పలు సినిమాలు తెరకెక్కుతున్న విషయం తెలిసిందే. అయితే.. సీఎం చంద్రబాబునే మెయిన్ హైలెట్ చేస్తూ డైరెక్టర్ వర్మ ‘లక్ష్మీస్ ఎన్టీఆర్’ ను చిత్రీకరిస్తున్నారు. కాగా.. ఈ మధ్యే విడుదల చేసిన థియేట్రికల్ ట్రైలర్ పై భారీ అంచనాలను రెకెత్తించాడు వర్మ. ఈ ట్రైలర్ పై పలువురు టీడీపీ నేతలు అభ్యంతరం వ్యక్తం చేశారు. ఈ నేపథ్యంలో రామ్ గోపాల్ వర్మ ట్విట్టర్ లో ఓ సర్వే నిర్వహించారు. వర్మ ట్విట్టర్ లో స్పందిస్తూ ‘ఎన్టీఆర్ చరిత్రను వక్రీకరించేలా కొందరు కుట్రలు పన్నుతున్నారు. కుట్రదారుల దుష్పప్రచారాన్ని తిప్పికొట్టాలి-చంద్రబాబు’’ ‘నాది కుట్రా..? నిజమా..?’ అంటూ సర్వేను నిర్వహించారు వర్మ. దీంతో ఆయన చెప్పింది నిజమేనని 84 శాతం మంది చెప్పగా, కుట్ర అని 16 శాతం మంది అభిప్రాయపడ్డారు.