Nithin 30 Movie Release Date: వరుసగా సినిమా తేదీలను ప్రకటిస్తోన్న యంగ్‌ హీరో.. ఒకే ఏడాదిలో మూడు సినిమాలు..
Nithin 30 Release Date Announced: 'శ్రీనివాస కళ్యాణం', 'భీష్మ' వంటి చిత్రాలతో బ్యాక్‌ టు బ్యాక్‌ విజయాలను సొంతం చేసుకొని ఫుల్‌ జోష్‌ మీదున్నాడు యంగ్‌ హీరో నితిన్‌. ఇక గతేడాది వివాహం చేసుకొని బ్యాచిలర్‌ లైఫ్‌కు ఫుల్‌స్టాప్‌ పెట్టిన ఈ..
Nithin 30 Release Date Announced: ‘శ్రీనివాస కళ్యాణం’, ‘భీష్మ’ వంటి చిత్రాలతో బ్యాక్‌ టు బ్యాక్‌ విజయాలను సొంతం చేసుకొని ఫుల్‌ జోష్‌ మీదున్నాడు యంగ్‌ హీరో నితిన్‌. ఇక గతేడాది వివాహం చేసుకొని బ్యాచిలర్‌ లైఫ్‌కు ఫుల్‌స్టాప్‌ పెట్టిన ఈ యంగ్‌ హీరో ప్రస్తుతం వరుస సినిమాలు చేస్తూ బిజీగా గడుపుతున్నాడు. ఇప్పటికే నితిన్‌ నటిస్తోన్న ‘చెక్‌’ సినిమా షూటింగ్‌ దాదాపు పూర్తి చేసుకున్న విషయం తెలిసిందే. ఈ చిత్రాన్ని వేసవి కానుకగా ఫిబ్రవరి 26న విడుదల చేయనున్నట్లు చిత్ర యూనిట్‌ ప్రకటించింది. ఈ సినిమా ట్రైలర్‌ ఇప్పటికే సినిమాపై మంచి అంచనాలు పెంచేసింది. చెస్‌ ప్లేయర్‌గా నటిస్తోన్న నితిన్‌ ఈ సినిమాతో మరో హిట్‌ను తన ఖాతాలో వేసుకోవడం ఖాయమని చర్చ జరుగుతోంది. ఇదిలా ఉంటే ప్రస్తుతం మూడు సినిమాలను ఒకేసారి తెరకెక్కించే పనిలో ఉన్నాడీ యంగ్‌ హీరో. వీటిలో హిందీ సినిమా రీమేక్‌ ‘అంధాదున్‌’ ఒకటి. మేర్లపాక గాంధీ దర్శకత్వం వహిస్తున్న ఈ సినిమాలో నభా నటేష్‌తో పాటు తమన్నా కీలకపాత్ర పోషిస్తోంది. తాజాగా చిత్ర యూనిట్‌ ఈ సినిమా తేదీని ప్రకటించింది. ఇంత వరకు పెద్దగా వార్తల్లోలేని ఈ సినిమా నేరుగా విడుదల తేదీని ప్రకటించడం విశేషం. నితిన్‌ పియానో ప్లే చేస్తున్న లుక్‌తో కూడిన ఫొటోతో పాటు సినిమాను జూన్‌ 11న ప్రపంచవ్యాప్తంగా విడుదల చేస్తున్నట్లు ప్రకటించారు. ఈ సినిమా నితిన్‌ కెరీర్‌లో 30వ చిత్రంగా రానుంది. ఇక చెక్‌, అంధాదున్‌ రీమేక్‌తో పాటు.. ‘రంగ్‌ దే’ చిత్రం కూడా ఇదే ఏడాది మార్చి 29న విడుదల కానుంది. ఇలా ఒకే ఏడాదిలో మూడు సినిమాలతో అభిమానులను అలరించేందుకు నితిన్‌ సిద్ధమవుతున్నాడన్నమాట.
