Yash: మరోసారి పాన్ ఇండియాను షేక్ చేయనున్న రాకింగ్ స్టార్.. యష్ కొత్త సినిమా టైటిల్ వచ్చేసింది

Yash

కేజీఎఫ్ సినిమాతో భారీ విజయాన్ని అందుకోవడమే కాదు అని భాషల్లో ఫ్యాన్స్ ను సొంతం చేసుకున్నాడు యష్. రెండు భాగాలుగా వచ్చిన కేజీఎఫ్ సినిమా సంచలన విజయాన్ని అందుకుంది. అలాగే కలెక్షన్స్ పరంగాను రికార్డ్ క్రియేట్ చేసింది. కేజీఎఫ్ 2 తర్వాత యష్ ఎవరోతో నటించనున్నాడు. ఏ డైరెక్టర్ యష్ ను డైరెక్ట్ చేయనున్నారు అన్నది ఆసక్తికరంగా మారింది. యష్ ఇంతవరకు తన కొత్త సినిమాను అనౌన్స్ చేయలేదు. యష్ కొత్త సినిమాపై అభిమానులు చాలా ఆశలు పెట్టుకున్నారు . ‘యష్ 19’ కోసం అభిమానులు ఈగర్ గా ఎదురుచూస్తూనే ఉన్నారు. ఎట్టకేలకు యష్ తన నెక్స్ట్ సినిమా ను అనౌన్స్ చేశాడు. ‘ యష్ 19 ‘ మూవీ టైటిల్ ‘టాక్సిక్’. ఈ టైటిల్ తో ఫ్యాన్స్ ఫుల్ ఖుషీ అవుతున్నారు. పాన్ ఇండియా సినిమా కావడంతో ఈ టైటిల్ ఈ చిత్రానికి సరిగ్గా సరిపోతుందని అభిమానులు అభిప్రాయపడుతున్నారు.

యష్ ‘కేజీఎఫ్ 2’ చిత్రం ఏప్రిల్ 2022లో విడుదలైంది. దీని తరువాత, యష్ తదుపరి చిత్రం గురించి అనేక పుకార్లు వచ్చాయి. ‘యష్ 19’ చిత్రానికి నర్తన్ దర్శకత్వం వహిస్తారని వినిపించింది. కానీ, ఇప్పుడు ఈ ప్రశ్నలన్నింటికీ సమాధానం దొరికింది. ‘కేజీఎఫ్ 2’ విడుదలైన ఏడాదిన్నర తర్వాత యశ్ కొత్త సినిమా టైటిల్‌ను ప్రకటించారు. ‘టాక్సిక్’ చిత్రానికి గీతూ మోహన్‌దాస్ దర్శకత్వం వహిస్తున్నారు. ఈ సినిమా టైటిల్ చూసి అభిమానులు చాలా హ్యాపీగా ఫీలవుతున్నారు. ఈ సినిమాను 10-4-2025న థియేటర్లలో విడుదల చేయడానికి సన్నాహాలు చేస్తున్నారు. #Toxic హ్యాష్‌ట్యాగ్ ప్రస్తుతం ట్విట్టర్‌లో ట్రెండింగ్‌లో ఉంది. ఈ సినిమా కన్నడలోనే కాకుండా పలు భాషల్లో కూడా విడుదల కానుంది. యాక్షన్ ఎంటర్టైనర్ గా తెరకెక్కుతున్న ఈ సినిమాపై భారీ అంచనాలు ఏర్పడ్డాయి. ఈ సినిమాలో నటీనటుల గురించి మరింత సమాచారం తెలియాల్సి ఉంది.

మరిన్ని సినిమా వార్తల కోసం ఇక్కడ క్లిక్ చేయండి.