ఎన్నికల వేళ చిక్కులో రేసు గుర్రం నటుడు.. నేను ఆయన రెండో భార్యను అంటున్న మహిళ

తాజాగా రవికిషన్ చిక్కుల్లో పడ్డాడు. నటుడిగానే కాదు ఎంపీగాను ఉన్నారు రవికిషన్. ఓ వైపు సినిమాలతో మరో వైపు రాజకీయాల్లోనూ రాణిస్తున్నారు. ఇదిలా ఉంటే ఇప్పుడు ఓ మహిళ నేను రవికిషన్ భార్యను అంటూ మీడియా ముందు వచ్చింది. దాంతో ఇప్పుడు ఎంపీ రవికిషన్ పేరు హాట్ టాపిక్ గా మారింది. రవికిషన్ కు ప్రీతి కిషన్ అనే భార్య ఉంది. అలాగే ఈ దంపతులకు ఓ కూతురు కూడా ఉంది.

Ravi Kishan

Rajeev Rayala |
Updated on: Apr 16, 2024 | 8:12 AM

రేసు గుర్రం సినిమాతో మంచి పాపులారిటీ తెచ్చుకున్నారు నటుడు రవికిషన్.. ఈ భోజ్ పూరి నటుడు తన నటనతో ప్రేక్షకులను మెప్పించాడు. తాజాగా రవికిషన్ చిక్కుల్లో పడ్డాడు. నటుడిగానే కాదు ఎంపీగాను ఉన్నారు రవికిషన్. ఓ వైపు సినిమాలతో మరో వైపు రాజకీయాల్లోనూ రాణిస్తున్నారు. ఇదిలా ఉంటే ఇప్పుడు ఓ మహిళ నేను రవికిషన్ భార్యను అంటూ మీడియా ముందు వచ్చింది. దాంతో ఇప్పుడు ఎంపీ రవికిషన్ పేరు హాట్ టాపిక్ గా మారింది. రవికిషన్ కు ప్రీతి కిషన్ అనే భార్య ఉంది. అలాగే ఈ దంపతులకు ఓ కూతురు కూడా ఉంది. ఇప్పుడు ఉన్నటుంది ఓ మహిళ నేను రవికిషన్ భార్యను అంటూ ముందురావడం సినీ రాజకీయ వర్గాల్లో చర్చనీయాంశంగా మారింది.

భోజ్ పూరి, హిందీ సినిమాల్లో నటిస్తూ తనకంటూ ప్రత్యేక గుర్తింపు తెచ్చుకున్న రవికిషన్. ‘రేసుగుర్రం’ సినిమాతో ప్రేక్షకులను అలరించారు. ఆ సినిమాలో శివారెడ్డి గా ఆకట్టుకున్నాడు. రేసుగుర్రం సినిమా తర్వాత పలు సినిమాల్లోనూ నటించి మెప్పించాడు. ఇక ఇప్పుడు దేశవ్యాప్తంగా జరగనున్న ఎలక్షన్స్ కోసం సిద్ధమవుతున్నారు రవికిషన్. ఈ క్రమంలో ఓ మహిళ నేను రవికిషన్ భార్యను అంటూ బయటకు వచ్చింది.

అపర్ణా ఠాకుర్ అనే మహిళ మీడియా ముందుకు వచ్చి నేను రవికిషన్ భార్యను.. ఆయన నన్ను సీక్రెట్ గా పెళ్లి చేసుకున్నారు. మాకు ఓ పాప కూడా ఉంది అంటూ ఓ పాపను కూడా తీసుకువచ్చింది. 1996లోనే తమకు వెళ్లిందని ఇప్పటికీ ఆయన తమకు టచ్ లో ఉన్నారని చెప్పుకొచ్చింది ఆ మహిళ. అలాగే ఆ మహిళ తీసుకువచ్చిన పాప మాట్లాడుతూ.. నాకు 15 ఏళ్ళు వచ్చే వరకు నాకు రవికిషన్ నా తండ్రి అని తెలియలేదు.. అంతకు ముందు నేను ఆయన్ను అంకుల్ అనిపిలిచేదాన్ని . ఆయన కుటుంబాన్ని కూడా నేను కలిసాను. కానీ ఆయన తండ్రిగా నా దగ్గర ఎప్పుడూ లేరు. నన్ను కూతురిగా స్వీకరించాలి అంటూ చెప్పుకొచ్చింది ఆ యువతి.