Guntur Kaaram: మహేష్ గుంటూరు కారం మరింత ఆలస్యం అవుతుందా..? కారణం ఆ బ్యూటీనేనా..?

సూపర్ స్టార్ మహేష్ బాబు నయా మూవీ గుంటూరు కారం సినిమాకు సంబంధించిన ఎదో ఒక వార్త నిత్యం హల్ చల్ చేస్తూనే ఉన్నాయి. సూపర్ స్టార్ మహేష్ బాబు హీరోగా చేస్తోన్న ఈ సినిమాకు త్రివిక్రమ్ శ్రీనివాస్ దర్శకత్వం వహిస్తున్నారు. ఈ చిత్ర షూటింగ్ ఇప్పటికే  ప్రారంభం అయ్యి చాలా కాలం అవుతుంది. ఈ సినిమాలో మహేష్ బాబుకు జోడీగా అగ్ర కథానాయిక పూజాహెగ్డే నటిస్తుండగా మరో కీలక పాత్రలో శ్రీలీల నటించనున్నారు. ఇటీవలే శ్రీలీల పుట్టిన రోజు సందర్భంగా విడుదల చేసిన శ్రీలీల లుక్ ప్రేక్షకులను విశేషంగా ఆకట్టుకుంది. గుంటూరు కారం సినిమాలో శ్రీలీల పల్లెటూరు అమ్మాయిలా కనిపించనుంది. ఇక ఈ సినిమాకు అనుకోని బ్రేక్ లు పడుతున్నాయి. ఇప్పటికే ఈ సినిమా వచ్చే ఏడాది సంక్రాంతి పండగ పురస్కరించుకొని విడుదల చేయనున్నారు. ఇప్పటికే ఈ మేరకు అధికారిక ప్రకటన కూడా ఇచ్చారు. కాగా ఇప్పుడు ఈ సినిమా విడుదల వాయిదా పడే అవకాశం ఉందని తెలుస్తోంది.

ఈ సినిమాలో విలక్షణ నటుడు ప్రకాష్ రాక్ ముఖ్య పాత్ర పోషిస్తున్నారు. అయితే ఈ సోమవారం నుంచి గుంటూరు కారం సినిమా కొత్త షెడ్యూల్ ను ప్రారంభించాల్సి ఉంది. అయితే ఈ షడ్యూల్ ఆలస్యం అవుతుందని టాక్ వినిపిస్తుంది. అయితే ఈ ఆలస్యానికి కారణం ఇద్దురు నటులు అని తెలుస్తోంది.

వీరిలో ఒకరు శ్రీలీల కాగా మరొకరు ప్రకాష్ రాజ్ అని ప్రచారం జరుగుతుంది. శ్రీలీల ప్రస్తుతం తెలుగులో బిజీ హీరోయిన్ గా మారిపోయింది. వరుసగా సినిమాలు చేస్తూ దూసుకుపోతుంది. ఇప్పటికే అరడజనుకు పైగా సినిమాలు ఈ అమ్మడి ఖాతలో ఉన్నాయి. దాంతో డేట్స్ అడ్జెస్ట్ కాకపోవడంతో షూటింగ్ కు హాజరవడం కుదరడం లేదట. మరో వైపు ప్రకాష్ రాజ్ కు కూడా ఇదే సమస్య తలెత్తెడంతో గుంటూరు కారం సినిమా షూటింగ్ ఆలస్యం అవుతుందని తెలుస్తోంది. దాంతో ఈ మూవీ విడుదల పై అనుమానాలు మొదలయ్యాయి.