Vikram: పవర్‏పుల్ సీన్స్ కోసం కమల్ హాసన్ టీం ఇంత కష్టపడ్డారా ?.. విక్రమ్ మూవీ మేకింగ్ వీడియో చూశారా ?..

విశ్వనటుడు కమల్ హాసన్ (Kamal Haasan).. సక్సెస్ ఫుల్ డైరెక్టర్ లోకేష్ కనగరాజ్ కాంబోలో వచ్చిన విక్రమ్ (Vikram) మూవీ బ్లాక్ బస్టర్ హిట్ అయిన సంగతి తెలిసిందే. విజయ్ సేతుపతి, ఫహద్ ఫాజిల్, సూర్య కీలకపాత్రలలో నటించిన ఈ సినిమా బాక్సాఫీస్ వద్ద సంచలనం సృష్టించింది. చాలా కాలం తర్వాత కమల్ నటించిన ఈ మూవీకి ప్రేక్షకుల నుంచి భారీ రెస్పాన్స్ వచ్చింది. ముఖ్యంగా చివరి నిమిషంలో సూర్య వచ్చిన సీన్స్ సినిమాను మరో లెవల్‏కు తీసుకెళ్లిందంటూ కామెంట్స్ చేశారు అభిమానులు. ముఖ్యంగా సినిమాలో వచ్చే యాక్షన్ సీన్స్ ప్రేక్షకులను ఆకట్టుకున్నాయి. అయితే తాజాగా విక్రమ్ సినిమా మేకింగ్ వీడియోను రిలీజ్ చేశారు మేకర్స్.

ఈ సినిమాలో పవర్ ఫుల్ యాక్షన్ సీన్స్ ఎలా తెరకెక్కించారో ఆ వీడియోలో చూపించారు మేకర్స్. అందులో ఫహాద్ ఫాజిల్ పై షాట్ తో స్టార్ట్ చేశారు. అలాగే కమల్ ఫైట్ సీన్స్, జైలు సన్నివేశాలు చూపించారు. అందులో డైరెక్టర్ లోకేష్ కనగరాజ్ డైరెక్షన్, పవర్ ఫుల్ సీన్స్ ఎలా తెరకెక్కించారో చూపించారు. ఇప్పుడు ఈ వీడియో సోషల్ మీడియాలో తెగ వైరల్ అవుతుంది. ప్రస్తుతం లోకేష్.. దళపతి విజయ్ తో ఓ సినిమా తెరకెక్కిస్తున్నాడు. ఈ మూవీ తర్వాత మెగా పవర్ స్టార్ రామ్ చరణ్ తో ప్రాజెక్ట్ చేయనున్నట్లుగా నెట్టింట టాక్ నడుస్తోంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.