Arabic Kuthu: యూట్యూబ్‏ను షేక్ చేస్తోన్న ‘అరబిక్ కుతు’ సాంగ్ తెలుగు వెర్షన్.. ఇంతకీ మీరూ విన్నారా ?..

అర్థం తెలీదు.. కానీ ఆ సాంగ్ వింటే ఎవ్వరైనా సరే కాలు కదపాల్సిందే. చిన్నా, పెద్ద తేడా లేకుండా ఆ పాటకు స్టెప్పులేస్తూ అదుర్స్ అనిపిస్తున్నారు. గత కొద్ది రోజులుగా ఎక్కడా విన్నా అదే పాట. భాషతో సంబంధం లేకుండా ప్రపంచం మొత్తం ఆ సాంగ్ వింటూ.. ఆడుతూ తెగ ఎంజాయ్ చేస్తున్నారు. ఇంతకీ అదేం సాంగ్ అనుకుంటున్నారా ? అదే అరబిక్ కుతు.. కొద్ది రోజులుగా సోషల్ మీడియాలో అరబిక్ కుతు సాంగ్ తెగ ట్రెండ్ అవుతుంది. యూట్యూబ్‏ను షేక్ చేస్తోన్న ఈ సాంగ్ తక్కువ సమయంలోనే రికార్డ్స్ క్రియేట్ చేసింది. అయితే ఈ సాంగ్ అర్థం తెలియకపోయినా.. చిన్నా, పెద్ద అనే తేడా లేకుండా ఈ పాటకు అద్భుతంగా స్టెప్పులేస్తూ ఎంజాయ్ చేస్తున్న వీడియోలు నెట్టింట్లో తెగ వైరల్ అవుతున్నాయి. ఈ సాంగ్ తమిళ్ స్టార్ హీరో విజయ్ తలపతి (Vijay Thalapathy).. హీరోయిన్ పూజా హెగ్డే (Pooja Hegde) జంటగా నటిస్తోన్న బీస్ట్ (Beast) సినిమాలోనిది. ఈ మూవీకి నెల్సన్ దిలీప్ కుమార్ దర్శకత్వం వహిస్తున్నారు.

ఇప్పటికే షూటింగ్ పూర్తిచేసుకున్న ఈ సినిమా పాన్ ఇండియా లెవల్లో ఏప్రిల్ 13న ఘనంగా విడుదల కాబోతుంది. ఈ క్రమంలో ఈ సినిమాలోని అరబిక్ కుతు (హలమితి హబీబో) పాట తెలుగు వెర్షన్ విడుదలైంది. ఈ సాంగ్‏కు తమిళంలో హీరో శివకార్తికేయన్ సాహిత్యం అందించగా.. తెలుగులో శ్రీ సాయికిరణ్ సాహిత్యం అందించారు. అనిరుధ్, జోనితా గాంధీ ఆలపించారు. ప్రస్తుతం అరబిక్ కుతు తెలుగు వెర్షన్‏కు మంచి రెస్పాన్స్ వస్తోంది. ఇక ఇప్పటికే విడుదలైన తమిళ్ వెర్షన్ సాంగ్ యూట్యూబ్‏లో 260 మిలియన్లకు పైగా వ్యూస్ సొంతం చేసుకుని కొత్త రికార్డ్ క్రియేట్ చేసింది. భాష అర్థం కాకపోయినా.. పదాలు క్యాచీగా ఉండడం.. విజయ్, పూజా స్టెప్పులు.. మ్యూజిక్ శ్రోతలను కట్టిపడేసాయి. ఈ సినిమాను సన్ పిక్చర్స్ బ్యానర్ పై నిర్మించారు.

Also Read: Anchor Anasuya: మరోసారి నెటిజన్‏కు దిమ్మతిరిగే కౌంటరిచ్చిన అనసూయ.. ఇలా ఆలోచించి మగజాతి పరువు తీస్తున్నారంటూ..

Varalaxmi Sarathkumar: టాలీవుడ్‏పై వరలక్ష్మీ శరత్ కుమార్ ఇంట్రెస్ట్.. కొత్త ప్రాజెక్ట్ షూరు చేసిన జయమ్మ..

Sonam Kapoor: వెరైటీ చీరకట్టులో బేబి బంప్‏తో ఫోటో షూట్.. నెట్టింట్లో షేర్ చేసిన హీరోయిన్..

Nithin: మరో సినిమాను పట్టాలెక్కించిన నితిన్‌.. ‘పెళ్లి సందD’ ముద్దుగుమ్మ జంటగా..